ܦܵܣܘܿܥܬܵܐ 1 – ܒܣܵܡܬܵܐ ܡ̣ܢ ܡܲܪܥܵܐ ܕܗܵܘܢܵܐ، ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܘ NDIS

ܒܣܵܡܬܵܐ ܝܼܠܹܗ ܚܲܕ ܡܸܢܕܝܼ ܦܲܪܨܘܿܦܵܝܵܐ. ܡܲܥܢܵܝܵܐ ܕܒܣܵܡܬܵܐ ܠܵܐ ܝܠܹܗ ܕܚܝܵܝܬܵܐ ܗܲܡܵܫܵܐ ܒܸܕ ܗܵܘܝܵܐ ܕܠܵܐ ܢܝܼܫܲܢܩܹ̈ܐ ܕܚܲܕ ܡܲܪܥܵܐ ܕܗܵܘܢܵܐ. ܐ݇ܢܵܫܹ̈ܐ ܕܟܹܐ ܚܵܙܝܼ ܢܝܼܫܲܢܩܹ̈ܐ ܕܒܣܵܡܬܵܐ ܡ̣ܢ ܡܲܪܥܵܐ ܕܗܵܘܢܵܐ ܡܵܨܝܼ ܕܚܲܕܟܡܵܐ ܓܵܗܹ̈ܐ ܪܵܓ݂ܫܝܼ ܕܢܝܼܫܲܢܩܹ̈ܐ ܕܡܲܪܥܵܐ ܒܸܕܥܵܪܵܐ ܝܢܵܐ ܚܕܵܐ ܓܵܗܵܐ ܐ݇ܚܹܪ݇ܬܵܐ. ܐܲܝܵܐ ܐܲܝܟܲܢܵܝܘܼܬܵܐ ܡܵܨܝܵܐ ܕܫܲܚܠܸܦܵܐ ܠܗܘܿܢ ܣܵܘܕܵܐ، ܬܲܚܡܲܢܝܵܬܹ̈ܐ ܝܲܢ ܕܘܼܒܵܪܹ̈ܐ ܒܐܘܼܪ̈ܚܵܬܹܐ ܓܸܕܫܵܢܵܝܹ̈ܐ، ܒܐܘܼܪ̈ܚܵܬܹܐ ܕܟܹܐ ܐܵܬܝܼ ܘܐܵܙܠ݇ܝܼ ܝܲܢ ܕܟܹܐ ܫܲܚܠܸܦܝܼ ܒܚܲܝܠܵܢܘܼܬܵܐ. ܠܵܐ ܟܠܚܲܕ ܐ݇ܢܵܫܵܐ ܕܐܝܼܬܠܹܗ ܚܲܕ ܡܲܪܥܵܐ ܕܗܵܘܢܵܐ ܒܸܕ ܡܢܲܣܹܐ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ. ܐܝܼܢܵܐ ܐܵܢܝܼ ܕܡܢܲܣܘܼܝܹܐ ܝܢܵܐ، ܡܵܨܝܼ ܕܡܢܲܣܝܼ ܚܘܼܣܪܵܢܹ̈ܐ ܫܲܘܬܵܦܵܝܹ̈ܐ ܩܸܫܝܹ̈ܐ.

ܐܵܢܝܼ ܐ݇ܢܵܫܹ̈ܐ ܕܐܝܼܬܠܗܘܿܢ ܫܲܦܠܘܼܬܵܐ ܚܲܝܠܵܢܬܵܐ ܘܕܐܝܼܬ ܡܸܬܗܵܘܝܵܢܘܼܬܵܐ ܕܒܸܕ ܦܵܝܫܵܐ ܐܲܡܝܼܢܵܝܬܵܐ، ܒܲܠܟܵܐ ܕܡܵܨܝܼ ܕܩܲܒܠܝܼ ܣܢܵܕܬܵܐ ܡܘܼܘܸܠܬܵܐ ܒܝܲܕ NDIS.

ܘܲܟܝܼܠܘܼܬܵܐ ܐܘܼܡܬܵܝܬܵܐ ܕܥܲܪܵܒ݂ܘܼܬܵܐ ܕܫܲܦܠܘܼܬܵܐ ܡܫܲܪܘܼܪܹܐ ܝܠܵܗ̇ ܕܣܲܒ݂ܪܵܐ (ܗܝܼܒ݂ܝܼ) ܝܼܠܹܗ ܐܵܢܲܢܩܵܝܵܐ ܒܥܸܕܵܢܵܐ ܕܒܣܵܡܬܵܐ.

NDIA ܐܝܼܬܠܵܗ̇ ܚܲܕ Mental Health Sector Reference Group ܠܗܲܝܘܼܪܹܐ ܒܚܒ݂ܵܫܬܵܐ ܕܐܵܢܝܼ ܐ݇ܢܵܫܹ̈ܐ ܕܐܝܼܬܠܗܘܿܢ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܓܵܘ NDIS. ܩܪܘܿܢ ܒܘܼܫ ܙܵܘܕܵܐ ܒܘܼܬ ܝܲܗܠܵܐ ܕܣܲܗܕܘܼܬܵܐ ܥܲܠ ܫܵܘܦܵܐ ܐܹܠܸܟܬܪܘܿܢܵܝܵܐ ܕܝܲܗܠܵܐ ܕܣܲܗܕܘܼܬܵܐ ܩܵܐ ܡܲܩܛܥܵܐ ܕܚܘܼܠܡܵܢܵܐ ܕܗܵܘܢܵܐ ܕ NDIS (NDIS Mental Health Sector Reference Group).
ܐܲܡܝܼܢܵܝܵܐ، ܩܵܐ ܟܠܲܝܗܝ ܫܸܢܹ̈ܐ ܕܚܲܝܹ̈ܐ ܘܓܸܕܫܵܢܵܝܵܐ

ܗܵܕܟ݂ܵܐ ܕܡܵܨܝܼܬܘܿܢ ܕܩܲܒܠܝܼܬܘܿܢ ܣܢܵܕܬܵܐ ܡ̣ܢ NDIS، ܐܲܚܬܘܿܢ ܓܵܪܲܓ ܕܗܵܘܝܼܬܘܿܢ ܡܢܲܣܘܼܝܹܐ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ:

  1. ܕܡܸܬܗܵܘܝܵܢܬܵܐ ܝܠܵܗ̇ ܕܗܵܘܝܵܐ ܐܲܡܝܼܢܵܝܬܵܐ (ܩܵܐ ܟܠܲܝܗܝ ܫܸܢܹ̈ܐ ܕܚܲܝܹ̈ܐ)
  2. ܕܟܹܐ ܥܵܒ݂ܕܵܐ ܟܵܐܪ ܒܚܲܕ ܕܲܪܓ݂ܵܐ ܓܘܼܒ݂ܪܵܐ ܥܲܠ ܡܨܵܝܬܵܘܟ݂ܘܿܢ ܠܬܲܡܘܼܡܲܝܗܝ ܫܘܼܓ݂ܠܵܢܹ̈ܐ ܝܵܘܡܵܝܹ̈ܐ ܝܲܢ ܠܫܲܘܬܘܼܦܹܐ ܓܵܘ ܥܵܒ݂ܘܿܕܘܵܬܹ̈ܐ
  3. ܕܡܸܬܗܵܘܝܵܢܬܵܐ ܝܠܵܗ̇ ܕܒܸܕ ܣܵܢܩܝܼܬܘܿܢ ܠܣܢܵܕܬܵܐ ܩܵܐ ܟܠܲܝܗܝ ܫܸܢܹ̈ܐ ܕܚܲܝܵܘܟ݂ܘܿܢ.

ܕܲܪܓ݂ܵܐ ܕܣܢܵܕܬܵܐ ܩܵܐ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܒܲܠܟܵܐ ܕܠܵܐ ܦܵܐܸܫ ܗܲܪ ܗ̇ܘ ܕܲܪܓ݂ܵܐ ܒܡܸܬܚܵܐ ܕܟܠܲܝܗܝ ܫܸܢܹ̈ܐ ܕܚܲܝܵܘܟ݂ܘܿܢ. ܐܲܚܬܘܿܢ ܒܲܠܟܵܐ ܕܡܢܲܣܝܼܬܘܿܢ ܡܸܬܚܹ̈ܐ ‘ܨܦܵܝܝܼ’ ܘܡܸܬܚܹ̈ܐ ‘ܚܸܪܒܵܐ’ (ܓܵܘ NDIS، ܐܲܝܵܐ ܐܲܝܟܲܢܵܝܘܼܬܵܐ ܟܹܐ ܦܵܝܫܵܐ ܡܦܘܼܫܸܩܬܵܐ ܐܲܝܟ݂ ‘ܦܘܼܪ̈ܫܵܢܹܐ ܒܚܲܝܠܵܢܘܼܬܵܐ’ ܝܲܢ ‘ܓܸܕܫܵܢܵܝܹ̈ܐ’). ܐܸܢ ܐܲܚܬܘܿܢ ܐܝܼܬܠܵܘܟ݂ܘܿܢ ܚܲܕ ܡܲܪܥܵܐ ܕܗܵܘܢܵܐ ܓܸܕܫܵܢܵܝܵܐ ܕܣܢܝܼܩܵܐ ܝܠܹܗ ܠܣܵܢܕܬܵܐ ܩܵܐ ܟܠܲܝܗܝ ܫܸܢܹ̈ܐ ܕܚܲܝܹ̈ܐ، ܐܲܚܬܘܿܢ ܠܗܵܠܵܐ ܒܲܠܟܵܐ ܕܡܵܨܝܼܬܘܿܢ ܕܩܲܒܠܝܼܬܘܿܢ ܣܢܵܕܬܵܐ ܡ̣ܢ NDIS.

NDIS ܘܒܣܵܡܬܵܐ

ܦܲܫܲܩܬܵܐ ܕܡܲܪܥܵܘܟ݂ܘܿܢ ܕܗܵܘܢܵܐ ܐܲܝܟ݂ “ܫܲܦܠܘܼܬܵܐ” ܕ “ܒܚܲܕ ܕܲܪܓ݂ܵܐ ܓܘܼܒ݂ܪܵܐ” ܝܠܵܗ̇ ܘ “ܕܡܸܬܗܵܘܝܵܢܬܵܐ ܝܠܵܗ̇ ܕܗܵܘܝܵܐ ܐܲܡܝܼܢܵܝܬܵܐ ܝܲܢ ܩܵܐ ܟܠܲܝܗܝ ܫܸܢܹ̈ܐ ܕܚܲܝܹ̈ܐ” ܒܲܠܟܵܐ ܕܠܵܐ ܠܵܚܡܵܐ ܥܲܡ ܚܘܼܫܵܒܹ̈ܐ ܕܐܲܚܬܘܿܢ ܐܝܼܬܠܵܘܟ݂ܘܿܢ ܒܘܼܬ ܒܣܵܡܬܵܐ.

ܕܟ݂ܘܿܪܘܼܢ: ܐܲܢܹܐ ܝܼܢܵܐ ܚܲܕܟܡܵܐ ܦܸܬܓ݂ܵܡܹ̈ܐ ܕܦܝܼܫܹܐ ܝܢܵܐ ܡܘܼܦܠܸܚܹܐ ܒܝܲܕ NDIS. ܠܵܐ ܝܠܵܗ̇ ܣܒܝܼܪܬܵܐ ܕܐܲܢܹܐ ܦܲܫܩܝܼ ܐܲܚܬܘܿܢ ܡܵܢܝܼ ܝܬܘܿܢ. ܐܝܼܢܵܐ، ܐܝܼܡܲܢ ܕܐܝܼܬܠܵܘܟ݂ܘܿܢ ܚܲܕ ܚܘܼܛܵܛܵܐ ܕ NDIS، ܐܲܚܬܘܿܢ ܡܵܨܝܼܬܘܿܢ ܕܓܲܒܝܼܬܘܿܢ ܠܗܘܿܢ ܐܵܢܝܼ ܚܸܠܡܲܬܹ̈ܐ ܕܒܸܕ ܣܵܢܕܝܼܠܵܘܟ݂ܘܿܢ ܕܚܵܝܝܼܬܘܿܢ ܚܲܝܹ̈ܐ ܡܵܪܹܐ ܢܝܼܫܵܐ ܘܡܲܥܢܵܝܵܐ، ܕܒܸܠܚܵܡܵܐ ܝܢܵܐ ܥܲܡ ܦܘܼܫܵܩܵܐ ܕܐܲܚܬܘܿܢ ܐܝܼܬܠܵܘܟ݂ܘܿܢ ܩܵܐ ܒܣܵܡܬܵܐ.

ܚܕܵܐ ܚܸܠܡܲܬ ܚܲܕܬܬܵܐ ܕܡܵܨܝܼܬܘܿܢ ܡܵܛܝܼܬܘܿܢ ܐܸܠܘܿܗܿ ܥܲܡ NDIS ܒܫܲܪܲܝܬܵܐ ܡܼܢ 1 ܬܲܡܘܼܙ 2020 ܝܼܠܵܗܿ ‘ܡܬܲܠܡܸܕܵܢܵܐ ܕܒܣܵܡܬܵܐ ܢܲܦ̮ܫܵܢܵܝܬܵܐ ܘܫܵܘܬܦܵܝܵܐ’. ܐܲܢܹܐ ܝܼܢܵܐ ܦܵܠܵܚܹ̈ܐ ܕܡܵܨܝܼ ܗܲܝܸܪܝܼ ܠܵܘܟܼܘܿܢ ܒܡܲܬܲܒܼܬܵܐ ܘܡܲܦܠܲܚܬܵܐ ܕܚܲܕ ܚܘܼܛܵܛܵܐ ܕܒܣܵܡܬܵܐ، ܒܸܚܒܼܵܫܵܐ ܡܸܢܕܼܝܵܢܹ̈ܐ ܐܲܝܟܼ ܒܢܵܝܬܵܐ ܕܡܗܝܼܪܘܼܝܵܬܹ̈ܐ ܩܵܐ ܡܕܲܒܲܪܬܵܐ ܕܟܘܼܬܵܫܹ̈ܐ ܓܵܘ ܚܲܝܘܼܬܵܐ ܝܵܘܡܵܐ ܒܝܵܘܡܵܐ. ܥܲܡ ܚܕܵܕܹ̈ܐ ܓ̰ܘܼܡܸܥܠܲܢ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ ܒܘܼܬ ܡܬܲܠܡܸܕܵܢܹ̈ܐ ܕܒܣܵܡܬܵܐ ܓܵܘ ܦܵܣܘܿܥܬܵܐ 5.

ܐܵܣܘܿܪܹ̈ܐ ܡܵܪܹܐ ܝܘܼܬܪܵܢܵܐ

ܠܗܲܝܘܼܪܹܐ ܒܣܢܵܕܬܵܐ ܕܛܠܵܒܬܵܘܟ݂ܘܿܢ ܩܵܐ NDIS، ܡܲܨܠܘܼܢ ܠܹܗ ܟܬܵܒ݂ܵܐ ܕܦܘܼܠܚܵܢܵܐ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ

ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ

ܡܣܘܼܟܡܵܐ ܡܫܲܘܬܦܵܐܝܼܬ ܥܲܡ ܐ݇ܢܵܫܹ̈ܐ ܕܐܝܼܬܠܗܘܿܢ ܡܲܪ̈ܥܹܐ ܕܗܵܘܢܵܐ ܘܫܲܒܟܲܝܗ̈ܝ ܕܣܢܵܕܬܵܐ.
  • ܡܘܼܘܸܠܵܐ ܒܝܲܕ

ܡܛܵܝܵܐ ܠ ndis ܒ 6 ܦܵܣܘܿܥܝܵܬܹ̈ܐ