ܦܵܬܸܫ
ܓܘܼܒܼܪܘܼܬܵܐ ܕܚܲܛܵܐ ܕܟܬܵܒܼܬܵܐ A A A
ܪܨܵܨܵܝܵܐ
ܦܸܨܠܵܐ ܕܫܛܵܪܹ̈ܐ ܛܥܝܼܢܹ̈ܐ (PDF)
ܟܬܵܒܼܵܐ ܕܦܘܼܠܚܵܢܵܐ ܩܸܢܛܪܘܿܢ ܕܡܲܣܲܡܬܵܐ ܕܒܵܠܵܐ ܝܵܬܵܝܬܵܐ Skill-Building Hub

ܦܵܣܘܿܥܬܵܐ 5 – ܕܵܐܟ݂ܝܼ ܡܵܨܹܐ NDIS ܕܣܵܢܸܕܠܝܼ ܗܵܕܟ݂ܵܐ ܕܬܲܡܸܡܸܢ ܠܗܘܿܢ ܣܲܒ݂ܪ̈ܝܼ ܘܚܸܠ̈ܡܵܢܝܼ؟

ܫܡܘܿܥܘܼܢ ܠܚܲܕܟܡܵܐ ܦܵܠܵܚܹ̈ܐ ܚܲܒ݂ܪܵܢܹ̈ܐ ܟܲܕ ܗܲܡܙܘܼܡܹܐ ܝܢܵܐ ܒܘܼܬ ܕܵܐܟ݂ܝܼ NDIS ܡܵܨܹܐ ܕܗܲܝܸܪ ܘܡܘܿܕܝ݇ ܦܘܼܪܫܵܢܵܐ ܐܲܝܵܐ ܗܲܝܲܪܬܵܐ ܒܸܥܒ݂ܵܕܵܐ ܝܠܵܗ̇ ܓܵܘ ܚܲܝܲܝܗ̈ܝ:

ܡܲܫܟ݂ܚܘܼܢ ܠܹܗ ܨܚܵܚܵܐ ܕܐܵܗܵܐ ܒ݂ܝܼܕܝܘܿ ܠܲܐܟ݂ܵܐ: ܨܚܵܚܵܐ-ܣܢܵܕܬܵܐ (Transcript-Support)

ܘܐܝܼܩܘܿܢܘܿܡܵܝܬܵܐ. ܐܵܢܝܼ ܒܲܠܟܵܐ ܕܝܵܗܒ݂ܝܼܠܵܘܟ݂ܘܿܢ ܙܘܼܙܹ̈ܐ ܕܙܵܒ݂ܢܝܼܬܘܿܢ ܡܸܢܕܝܼܵܢܹ̈ܐ ܠܗܲܝܘܼܪܵܘܟ݂ܘܿܢ ܕܦܵܠܚܝܼܬܘܿܢ ܠܸܡܛܵܝܵܐ ܠܝܘܼܐܵܒ݂ܵܘܟ݂̈ܘܿܢ (aspirations).

NDIS ܟܹܐ ܦܲܠܸܓ݂ܠܗܘܿܢ ܐܲܢܹܐ ܡܸܢܕܝܼܵܢܹ̈ܐ ܠܚܲܡܫܲܥܣܲܪ ܦܸܨܠܹ̈ܐ ܕܣܢܵܕܬܵܐ. ܐܵܢܝܼ ܒܗ̇ܝܓܵܗܐ ܟܹܐ ܡܲܬܒ݂ܝܼܠܗܘܿܢ ܐܲܢܹܐ ܦܸܨܠܹ̈ܐ ܠܓܵܘ ܬܠܵܬ ܩܘܼܒܘܼܚܝܵܬܹ̈ܐ. ܒܐܸܠܬܸܚܬ ܝܼܢܵܐ ܚܲܕܟܡܵܐ ܛܘܼܦ̮ܣܹ̈ܐ ܕܡܸܢܕܝܼܵܢܹ̈ܐ ܕܒܲܠܟܵܐ ܦܵܝܫܝܼ ܡܘܼܘܸܠܹܐ ܒܝܲܕ NDIS، ܕܦܝܼܫܹܐ ܝܢܵܐ ܡܦܘܼܨܠܹܐ ܠܦܘܿܬ ܐܲܢܹܐ ܬܠܵܬ ܩܘܼܒܘܼܚܝܵܬܹ̈ܐ. ܕܟ݂ܘܿܪܘܼܢ، ܐܲܢܹܐ ܝܼܢܵܐ ܐܲܚܟ̰ܝܼ ܚܲܕܟܡܵܐ ܬܲܚܡܲܢܝܵܬܹ̈ܐ. ܐܸܢ ܡܵܨܝܼܬܘܿܢ ܕܚܵܙܝܼܬܘܿܢ ܠܹܗ ܚܲܕ ܡܸܢܕܝܼ ܒܚܸܠܡܵܘܟ݂ܘܿܢ (ܘܐܸܢ  ܝܼܠܹܗ ܗܵܘܢܵܢܵܐ ܘܐܵܢܲܢܩܵܝܵܐ ܠܗܲܝܘܼܪܵܘܟ݂ܘܿܢ ܒܫܲܦܠܘܼܬܵܘܟ݂ܘܿܢ (reasonable and necessary to help with your disability) ܘܲܟܝܼܠܘܼܬܵܐ ܐܘܼܡܬܵܝܬܵܐ ܕܥܲܪܵܒ݂ܘܼܬܵܐ ܕܫܲܦܠܘܼܬܵܐ (National Disability Insurance Agency) ܒܲܠܟܵܐ ܕܡܲܘܸܠܵܐ ܠܹܗ.

ܡܲܢܵܝܬܵܐ ܕܣܢܵܕܬܵܐ – ܚܲܕ ܐܲܣܵܢܵܐ ܡܵܪܹܐ ܝܘܼܬܪܵܢܵܐ!

ܡܲܢܵܝܬܵܐ ܕܣܢܵܕܬܵܐ ܕ NDIS ܝܼܠܵܗ̇ ܚܲܕ ܐܲܣܵܢܵܐ ܡܲܓܵܢܵܝܵܐ ܥܲܠ ܐܸܢܬܸܪܢܹܝܬ ܠܗܲܝܘܼܪܵܘܟ݂ܘܿܢ ܕܪܵܫܡܝܼܬܘܿܢ ܠܗܘܿܢ ܐܵܢܝܼ ܚܸܠܡܲܬܹ̈ܐ ܕܡܵܨܝܼܬܘܿܢ ܕܩܲܒܠܝܼܬܘܿܢ ܠܗܘܿܢ ܒܐܘܼܪܚܵܐ ܕܚܘܼܛܵܛܵܘܟ݂ܘܿܢ ܕ NDIS:

https://www.supportcalculator.com.au

ܡܲܢܵܝܬܵܐ ܡܵܨܝܵܐ ܕܦܵܝܫܵܐ ܡܘܼܦܠܸܚܬܵܐ ܠܡܲܬܘܼܒܹܐ ܚܘܼܛܵܛܵܐ ܡ̣ܢ ܩܲܕ݇ܡ ܥܸܕܵܢܵܐ ܘܩܵܐ ܨܲܚܨܵܝܬܵܐ ܕܡܫܲܘܬܦܵܢܵܐ ܘܠܬܲܪܓܘܼܡܲܝܗܝ ܣܢܝܼܩܘܼܝܵܬܹ̈ܐ ܕܣܢܵܕܬܵܐ ܫܵܒ݂ܘܿܥܵܝܹ̈ܐ ܠܟܡܵܝܘܼܬܵܐ ܟܢܘܼܫܝܵܝܬܵܐ ܕܣܢܝܼܩܘܼܝܵܬܹ̈ܐ ܒܫܹܢ݇ܬܵܐ.

ܦܪܘܿܫܘܼܢ ܠܚܕܵܐ ܩܘܼܒܘܼܚܬܵܐ ܠܩܲܒܘܼܠܹܐ ܚܲܕ ܦܘܼܫܵܩܵܐ ܘܨܲܚܨܘܼܢ ܠܗܘܿܢ ܛܘܼܦ̮ܣܹ̈ܐ

  • ܚܲܝܘܼܬܵܐ ܝܵܘܡܵܝܬܵܐ ܒܘܼܫ ܛܵܒ݂ܬܵܐ (ܨܦܵܝ): ܐܲܝܵܐ ܝܼܠܵܗ̇ ܒܘܼܬ ܦܪܵܥܬܵܐ ܕܙܘܼܙܹ̈ܐ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܒܒܢܵܝܬܵܐ ܕܡܗܝܼܪ̈ܘܼܝܵܬܹܐ ܗܵܕܟ݂ܵܐ ܕܡܵܨܝܼܬܘܿܢ ܕܐܵܙܠ݇ܝܼܬܘܿܢ ܠܵܩܵܕ݇ܡܵܐ ܒܚܲܝܵܘܟ݂̈ܘܿܢ ܝܵܘܡܵܝܹ̈ܐ ܕܠܵܐ ܣܢܵܕܬܵܐ ܥܲܠ ܐ݇ܢܵܫܹ̈ܐ ܐ݇ܚܹܪ݇ܢܹ̈ܐ ܘܒܗܲܝܡܵܢܘܼܬܵܐ ܒܓܵܢܵܐ. ܡܵܨܝܼܬܘܿܢ ܕܒܵܢܝܼܬܘܿܢ ܠܗܘܿܢ ܡܗܝܼܪ̈ܘܼܝܵܬܵܘܟ݂ܘܿܢ: ܕܩܵܝܡܝܼܬܘܿܢ ܒܓܵܢܘܿܟ݂ܘܿܢ ܡ̣ܢ ܓܵܘ ܬ݇ܫܘܝܼܬܵܐ ܒܩܲܝܕܲܡܬܵܐ، ܕܩܵܛܥܝܼܬܘܿܢ ܡܘܿܕܝܼ ܐܵܟ݂ܠܝܼܬܘܿܢ، ܕܗܲܕܪܝܼܬܘܿܢ ܠܗܘܿܢ ܡܹܐܟ݂ܘܼܠܝܵܬܵܘܟ݂̈ܘܿܢ، ܕܚܵܝܦܝܼܬܘܿܢ ܬܚܘܿܬ ܡܝܼܵܐ ܡܘܼܪ̈ܝܸܣܹܐ ܒܓܵܢܵܘܟ݂ܘܿܢ، ܕܓܲܒܝܼܬܘܿܢ ܡܘܿܕܝܼ ܠܵܒ݂ܫܝܼܬܘܿܢ، ܕܫܲܘܸܩܝܼܬܘܿܢ، ܕܬܲܡܸܙܝܼܬܘܿܢ ܠܹܗ ܒܲܝܬܵܘܟ݂ܘܿܢ، ܕܐܵܙܠ݇ܝܼܬܘܿܢ ܠܘܲܥܕܹ̈ܐ، ܕܦܵܪܥܝܼܬܘܿܢ ܠܗܘܿܢ ܐܸܫܛܵܪܹ̈ܐ ܕܚܘܼܫܒܵܢܵܐ ܝܲܢ ܕܡܲܣܸܡܝܼܬܘܿܢ ܒܵܠܵܐ ܠܡܲܣܲܐܬܵܐ ܕܟܸܣܦܵܘܟ݂ܘܿܢ.
  • ܡܲܪ̈ܝܲܙܝܵܬܹ̈ܐ ܕܚܲܝܘܼܬܵܐ ܒܘܼܫ ܛܵܒܹ̈ܐ: ܐܲܝܵܐ ܝܼܠܵܗ̇ ܒܘܼܬ ܒܲܝܬܵܘܟ݂ܘܿܢ. ܡܵܨܝܵܐ ܕܗܵܘܝܵܐ ܒܐܘܼܪܚܵܐ ܕܐ݇ܙܵܠܵܐ ܠܚܲܕ ܒܹܝܬ ܝܘܼܠܦܵܢܵܐ ܠܸܩܢܵܝܵܐ ܡܗܝܼܪ̈ܘܼܝܵܬܹܐ، ܝܲܢ ܠܡܲܪܝܘܼܙܹܐ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܒܡܕܲܒܲܪܬܵܐ ܕܡܲܪ̈ܝܲܙܝܵܬܵܘܟ݂ܘܿܢ ܕܚܲܝܘܼܬܵܐ. ܐܲܝܵܐ ܐܵܦ ܡܵܨܝܵܐ ܕܚܵܒ݂ܫܵܐ ܩܲܒܘܼܠܹܐ ܗܲܝܲܪܬܵܐ ܒܥܒ݂ܵܕܬܵܐ ܕܫܘܼܚܠܵܦܹ̈ܐ ܓܵܘ ܡܲܪ̈ܝܲܙܝܵܬܵܘܟ݂ܘܿܢ ܕܚܲܝܘܼܬܵܐ.
  • ܐ݇ܚܝܵܢܘܼܝܵܬܹ̈ܐ ܒܘܼܫ ܛܵܒܹ̈ܐ: ܐܲܝܵܐ ܝܼܠܵܗ̇ ܒܘܼܬ ܚܲܒ݂ܪܵܢܵܘܟ݂̈ܘܿܢ، ܒܢܲܝ ܒܲܝܬܘܼܬܵܘܟ݂ܘܿܢ ܘܐ݇ܚܝܵܢܘܼܝܵܬܹ̈ܐ ܐ݇ܚܹܪ݇ܢܹ̈ܐ (ܩܵܐ ܛܘܼܦ̮ܣܵܐ ܒܲܢܟܵܐ، ܫܘܼܩܵܐ ܪܲܒܵܐ (ܣܘܼܦܲܪ ܡܵܪܟܸܬ)، ܐܵܣܝܵܐ ܓܵܘܵܢܵܝܵܐ، ܨܲܝܕܠܵܝܵܐ). ܡܵܨܝܵܐ ܕܗܵܘܝܵܐ ܚܲܕ ܠܘܼܡܵܕܵܐ ܦܘܼܠܚܵܢܵܝܵܐ ܝܲܢ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܕܫܵܪܝܼܬܘܿܢ ܠܗܘܿܢ ܕܘܼܪܵܫܹ̈ܐ ܕܐܝܼܬܠܵܘܟ݂ܘܿܢ ܥܲܡ ܐ݇ܢܵܫܹ̈ܐ ܐ݇ܚܹܪ݇ܢܹ̈ܐ. ܡܵܨܝܵܐ ܕܚܵܒ݂ܫܵܐ ܟܠܵܣܹ̈ܐ ܩܵܐ ܛܸܦܠܵܘܟ݂̈ܘܿܢ ܝܲܢ ܐܲܒ݂ܵܗܵܘܟ݂̈ܘܿܢ ܠܸܝܠܵܦܵܐ ܒܘܼܫ ܙܵܘܕܵܐ ܒܘܼܬ ܡܲܪ̈ܥܹܐ ܕܚܘܼܠܡܵܢܵܐ ܕܗܵܘܢܵܐ ܘܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ.
  • ܙܝܵܕܬܵܐ ܕܫܲܘܬܲܦܬܵܐ ܫܲܘܬܵܦܵܝܬܵܐ ܘܟܢܘܼܫܝܵܝܬܵܐ: ܐܲܝܵܐ ܝܼܠܵܗ̇ ܒܘܼܬ ܚܲܠܲܢܬܵܐ ܕܡܗܝܼܪ̈ܘܼܝܵܬܹܐ ܠܫܲܘܬܘܼܦܹܐ ܓܵܘ ܥܵܒ݂ܘܿܕܘܼܝܵܬܹ̈ܐ ܕܟܢܘܼܫܬܵܐ، ܦܪܝܼܫܵܐܝܼܬ ܐܸܢ ܠܵܐ ܝܬܘܿܢ ܦܠܵܚܵܐ ܝܲܢ ܩܪܵܝܵܐ. ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ: ܕܡܲܫܟ݂ܚܝܼܬܘܿܢ ܚܲܕ ܦܘܼܠܚܵܢܵܐ ܨܸܒ݂ܝܵܢܵܝܵܐ (ܕܠܵܐ ܒܡܘܼܥܵܫܵܐ)، ܕܗܵܘܝܼܬܘܿܢ ܗܲܕܵܡܹܐ ܓܵܘ ܒܹܝܬ ܐܲܪ̈ܟܵܘܟ݂ܘܿܢ ܦܢܝܼܬܵܝܵܐ ܘܕܡܲܦܠܸܚܝܼܬܘܿܢ ܠܸܗ، ܕܫܲܘܬܸܦܝܼܬܘܿܢ ܓܵܘ ܥܵܒ݂ܘܿܕܘܼܝܵܬܹ̈ܐ ܦܢܝܼܬܵܝܹ̈ܐ (ܩܵܐ ܛܘܼܦ̮ܣܵܐ ܓܵܘ ܛܲܐܲܠܬܵܐ ܕܓܘܼܕܬܵܐ ܕܐܲܩܠܵܐ، ܓܵܘ ܚܕܵܐ ܣܝܼܥܬܵܐ ܕܙܲܡܵܪܹ̈ܐ، ܓܵܘ ܚܲܕ ܒܹܝܬ ܣܡܵܟ݂ܵܐ ܕܡܲܒܣܸܡܵܢܘܼܬܵܐ، ܓܵܘ ܚܲܕ ܒܹܝܬ ܣܡܵܟ݂ܵܐ ܕܨܲܝܕܵܐ ܕܢܘܼܢܹ̈ܐ، ܓܵܘ ܝܲܗܠܹ̈ܐ ܕܣܢܵܕܬܵܐ، ܘܫܲܪܟܵܐ).
  • ܝܘܼܠܦܵܢܵܐ ܒܘܼܫ ܛܵܒ݂ܵܐ: ܐܲܝܵܐ ܝܼܠܵܗ̇ ܒܘܼܬ ܓܲܪܘܲܣܬܵܐ ܐܲܝܟ݂ ܚܲܕ ܦܲܪܨܘܿܦܵܐ. ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܡܲܠܦܵܢܵܐ ܠܗܲܝܘܼܪܵܘܟ݂ܘܿܢ ܒܩܢܵܝܬܵܐ ܕܝܘܼܠܦܵܢܵܐ ܓܵܘ ܚܕܵܐ ܕܘܼܪܬܵܐ ܒܐܘܼܪܚܵܐ ܕ TAFE ܝܲܢ ܕܒܹܝܬ ܨܵܘܒܵܐ ܝܲܢ ܒܚܕܵܐ ܐܘܼܪܚܵܐ ܐ݇ܚܹܪ݇ܬܵܐ.
  • ܡܲܫܟ݂ܘܼܚܹܐ ܘܚܲܡܘܼܝܹܐ ܚܲܕ ܫܘܼܓ݂ܠܵܐ: ܡܵܨܝܼܬܘܿܢ ܕܦܵܪܥܝܼܬܢ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܕܡܲܫܟ݂ܚܝܼܬܘܿܢ ܦܘܼܪ̈ܣܹܐ ܠܸܩܢܵܝܵܐ ܢܸܣܝܵܢܵܐ ܦܘܼܠܚܵܢܵܝܵܐ. ܐܸܢ ܡܘܼܫܸܟ݂ܚܠܵܘܟ݂ܘܿܢ ܚܲܕ ܫܘܼܓ݂ܠܵܐ، ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܹܐ ܩܵܐ ܕܘܼܟܬܵܐ ܕܦܘܼܠܚܵܢܵܘܟ݂ܘܿܢ ܝܲܢ ܩܵܐ ܐܵܢܝܼ ܕܦܠܵܚܵܐ ܝܬܘܿܢ ܥܲܡܲܝܗܝ ܕܒܘܼܫ ܨܦܵܝ ܦܲܪܡܝܼܠܵܘܟ݂ܘܿܢ ܘܕܵܐܟ݂ܝܼ ܣܵܢܕܝܼܠܵܘܟ݂ܘܿܢ ܓܵܘ ܫܘܼܓ݂ܠܵܐ ܕܒܸܥܒ݂ܵܕܹܗ ܝܬܘܿܢ. ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܕܗܲܝܸܪܵܘܟ݂ܘܿܢ ܒܝܵܗܒ݂ܫܩܵܠܵܘܟ݂ܘܿܢ ܥܲܡ ܣܹܢܬܲܪܠܝܼܟ.
  • ܚܘܼܠܡܵܢܵܐ ܘܛܵܒ݂ܘܼܬܵܐ ܕܚܲܝܹܐ ܒܘܼܫ ܛܵܒܹ̈ܐ: ܐܲܝܵܐ ܝܼܠܵܗ̇ ܒܘܼܬ ܡܲܣܲܡܬܵܐ ܕܒܵܠܵܐ ܠܚܘܼܠܡܵܢܵܘܟ݂ܘܿܢ ܦܲܓ݂ܪܵܢܵܝܵܐ ܘܠܚܘܼܠܡܵܢܵܘܟ݂ܘܿܢ ܕܗܵܘܢܵܐ. ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܡܬܲܠܡܕܵܢܵܐ ܦܲܪܨܘܿܦܵܝܵܐ ܓܵܘ ܓ̰ܸܡܢܵܣܝܘܿܡ ܕܓܵܘ ܦܢܝܼܬܵܘܟ݂ܘܿܢ (ܐܵܦܸܢ ܕܒܲܠܟܵܐ ܦܵܪܥܝܼܬܘܿܢ ܩܵܐ ܕܗܵܘܝܼܬܘܿܢ ܗܲܕܵܡܹܐ ܕܓ̰ܸܡܢܵܣܝܘܿܡ)، ܩܵܐ ܚܲܕ ܦܲܪܨܘܿܦܵܐ ܕܣܵܢܸܕܠܵܘܟ݂ܘܿܢ ܘܕܡܲܠܸܦܠܵܘܟ݂ܘܿܢ ܕܵܐܟ݂ܝܼ ܒܘܼܫ ܨܦܵܝ ܡܲܕܥܝܼܬܘܿܢ ܠܗܘܿܢ ܬܲܚܡܲܢܝܵܬܵܘܟ݂̈ܘܿܢ ܘܪܸ̈ܥܝܵܢܵܘܟ݂ܘܿܢ ܒܘܼܬ ܕܲܪܡܲܢܬܵܐ ܕܩܲܒܘܼܠܘܿܗ̇ ܝܬܘܿܢ ܠܟܸܣ ܐܵܣܝܹ̈ܐ، ܝܲܢ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܕܐܵܙܠ݇ܝܼܬܘܿܢ ܠܩܸܢܛܪܘܿܢ ܕܟܢܘܼܫܬܵܐ ܓܵܘ ܦܢܝܼܬܵܘܟ݂ܘܿܢ ܘܕܩܵܢܝܼܬܘܿܢ ܚܲܒ݂ܪܵܢܹ̈ܐ ܚܲܕܬܹ̈ܐ ܬܵܡܵܐ.
  • ܓܘܼܒܵܝܹ̈ܐ ܕܚܲܝܘܼܬܵܐ ܒܘܼܫ ܛܵܒܹ̈ܐ: ܐܲܝܵܐ ܝܼܠܵܗ̇ ܒܘܼܬ ܡܕܲܒܲܪܬܵܐ ܕܚܘܼܛܵܛܵܘܟ݂ܘܿܢ ܕ NDIS. ܒܲܠܟܵܐ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܝܲܢ ܒܸܣܢܝܼܣ ܠܗܲܝܘܼܪܵܘܟ݂ܘܿܢ ܒܡܲܬܲܒ݂ܬܵܐ ܕܚܲܕ ܚܘܼܛܵܛܵܐ، ܘܕܚܕܵܐ ܡܲܣܲܐܬܵܐ ܕܟܸܣܦܵܐ ܘܒܡܕܲܒܲܪܬܵܐ ܕܙܘܼܙܹ̈ܐ ܕܩܲܒܘܼܠܲܝܗܝ ܝܬܘܿܢ ܡ̣ܢ NDIS.
  • ܡܣܲܕܪܵܢܘܼܬܵܐ ܕܣܢܵܕܝܵܬܹ̈ܐ (ܚܲܕ ܡܲܣܕܪܵܢܵܐ ܕܣܢܵܕܬܵܐ): ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܒܡܲܪܝܲܙܬܵܐ ܕܐܲܢܝܼ ܣܢܵܕܝܵܬܹ̈ܐ ܘܚܸܠܡܲܬܹ̈ܐ ܕܦܪܝܼܥܹܐ ܝܬܘܿܢ ܩܵܐܠܲܝܗܝ. ܐܵܢܝܼ ܐܵܦ ܡܵܨܝܼ ܕܗܲܝܸܪܝܼܠܵܘܟ݂ܘܿܢ ܕܫܲܚܠܸܦܝܼܬܘܿܢ ܠܗܘܿܢ ܐܲܢܹܐ ܣܢܵܕܝܵܬܹ̈ܐ.
  • ܗܲܝܲܪܬܵܐ ܒܚܲܝܘܼܬܵܐ ܝܵܘܡܵܝܬܵܐ: ܐܲܝܟ݂ ‘ܚܲܝܘܼܬܵܐ ܝܵܘܡܵܝܬܵܐ ܒܘܼܫ ܛܵܒ݂ܬܵܐ’ (ܒܥܸܠܸܠ). ܐܵܦ ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܠܗܲܝܘܼܪܵܘܟ݂ܘܿܢ ܕܫܲܪܝܼܬܘܿܢ ܠܗܘܿܢ ܝܵܘܡܵܢܵܘܟ݂̈ܘܿܢ ܘܕܚܵܝܝܼܬܘܿܢ ܠܗܘܿܢ ܚܲܝܵܘܟ݂̈ܘܿܢ. ܐܵܢܝܼ ܒܲܠܟܵܐ ܕܗܲܝܸܪܝܼܠܵܘܟ݂ܘܿܢ ܕܩܵܝܡܝܼܬܘܿܢ ܒܩܲܝܕܲܡܬܵܐ ܘܕܫܲܪܝܼܬܘܿܢ ܒܚܲܝܘܼܬܵܘܟ݂ܘܿܢ، ܒܗܲܕܲܪܬܵܐ ܕܡܹܐܟ݂ܘܼܠܝܵܬܵܘܟ݂̈ܘܿܢ، ܕܚܵܝܦܝܼܬܘܿܢ ܬܚܘܿܬ ܡܝܼܵܐ ܡܘܼܪ̈ܝܸܣܹܐ ܘܕܠܵܒ݂ܫܝܼܬܘܿܢ ܠܗܘܿܢ ܠܒ݂ܘܼܫܵܘܟ݂̈ܘܿܢ، ܕܫܲܘܸܩܝܼܬܘܿܢ، ܕܬܲܡܸܙܝܼܬܘܿܢ، ܕܡܵܛܝܼܬܘܿܢ ܠܘܲܥܕܵܘܟ݂̈ܘܿܢ، ܕܦܵܪܥܝܼܬܘܿܢ ܠܗܘܿܢ ܐܸܫܛܵܪܵܘܟ݂̈ܘܿܢ ܕܚܘܼܫܒܵܢܵܐ ܝܲܢ ܕܡܲܣܸܡܝܼܬܘܿܢ ܒܵܠܵܐ ܠܡܲܣܲܐܬܵܘܟ݂ܘܿܢ ܕܟܸܣܦܵܐ. ܟܲܕ ܨܦܵܝ ܝܼܠܵܗ̇ ܠܸܝܠܵܦܵܐ ܕܥܵܒ݂ܕܝܼܬܘܿܢ ܠܗܘܿܢ ܐܲܢܹܐ ܡܸܢܕܝܼܵܢܹ̈ܐ ܒܓܵܢܵܘܟ݂ܘܿܢ، ܐܝܼܢܵܐ ܚܲܕܟܡܵܐ ܓܵܗܹ̈ܐ ܠܵܐ ܝܠܵܗ̇ ܡܸܬܡܲܨܝܵܢܬܵܐ ܥܒ݂ܵܕܬܵܐ ܕܐܲܢܹܐ ܡܸܢܕܝܼܵܢܹ̈ܐ، ܩܵܐ ܛܘܼܦ̮ܣܵܐ ܒܡܸܬܚܵܐ ܕܥܸܕܵܢܵܬܹ̈ܐ ܐܝܼܡܲܢ ܕܫܘܼܚܠܵܦܹ̈ܐ ܓܘܼܒ݂̈ܪܹܐ ܕܚܲܝܘܼܬܵܐ ܩܲܘܘܼܡܹܐ ܝܢܵܐ (ܩܵܐ ܛܘܼܦ̮ܣܵܐ ܚܕܵܐ ܐ݇ܚܝܵܢܘܼܬܵܐ (ܥܹܠܵܩܵܐ) ܒܸܚܬܵܡܵܐ ܝܠܵܗ̇، ܦܝܵܫܵܐ ܝܬܘܿܢ ܡܦܘܼܠܛܹܐ ܡ̣ܢ ܫܘܼܓ݂ܠܵܘܟ݂ܘܿܢ، ܣܢܝܼܩܹܐ ܝܬܘܿܢ ܕܕܵܡܟ݂ܝܼܬܘܿܢ ܓܵܘ ܒܹܝܬ ܟܪ̈ܝܼܗܹܐ ܝܲܢ ܕܦܵܠܛܝܼܬܘܿܢ ܡ̣ܢ ܓܵܘ ܒܹܝܬ ܟܪ̈ܝܼܗܹܐ).
  • ܗܲܝܲܪܬܵܐ ܒܫܲܘܬܲܦܬܵܐ ܫܲܘܬܵܦܵܝܬܵܐ ܘܟܢܘܼܫܝܵܝܬܵܐ: ܐܲܝܟ݂ ‘ܙܝܵܕܬܵܐ ܕܫܲܘܬܲܦܬܵܐ ܫܲܘܬܵܦܵܝܬܵܐ ܘܟܢܘܼܫܝܵܝܬܵܐ’ (ܒܥܸܠܸܠ). ܐܲܝܵܐ ܝܼܠܵܗ̇ ܒܘܼܬ ܩܲܒܲܠܬܵܐ ܕܗܲܝܲܪܬܵܐ ܠܫܲܘܬܘܼܦܹܐ ܓܵܘ ܥܵܒ݂ܘܿܕܘܼܝܵܬܹ̈ܐ، ܦܪܝܼܫܵܐܝܼܬ ܐܸܢ ܠܵܐ ܝܬܘܿܢ ܦܠܵܚܵܐ ܝܲܢ ܩܪܵܝܵܐ. ܡܵܨܝܼܬܘܿܢ ܕܦܵܪܥܝܼܬܘܿܢ ܩܵܐ ܚܲܕ ܦܲܪܨܘܿܦܵܐ ܕܐܵܬܹܐ ܥܲܡܵܘܟ݂ܘܿܢ ܠܥܵܒ݂ܘܿܕܘܼܝܵܬܹ̈ܐ. ܒܲܠܟܵܐ ܕܣܵܢܩܝܼܬܘܿܢ ܠܒܘܼܫ ܙܵܘܕܵܐ ܗܲܝܲܪܬܵܐ ܐܝܼܡܲܢ ܕܠܵܐ ܝܬܘܿܢ ܗܘܵܝܵܐ ܡܲܢܬܝܵܢܹܐ ܘܐܵܢܲܢܩܵܝܬܵܐ ܝܠܵܗ̇ ܕܢܝܼܫܵܘܟ݂̈ܘܿܢ ܘܐܵܦ ܕܚܘܼܛܵܛܵܘܟ݂ܘܿܢ ܕ NDIS ܕܫܲܚܠܸܦܝܼ ܠܦܘܿܬ ܡܨܵܝܬܵܘܟ݂ܘܿܢ ܠܸܥܒ݂ܵܕܲܝܗܝ ܡܸܢܕܝܼܵܢܹ̈ܐ ܒܓܵܢܵܘܟ݂ܘܿܢ.
  • ܡܸܢܕܝܵܢܹ̈ܐ ܡܘܼܦܠܸܚܹ̈ܐ ܝܵܘܡܵܐܝܼܬ: ܐܲܝܵܐ ܝܼܠܵܗ̇ ܒܘܼܬ ܙܒ݂ܵܢܬܵܐ ܕܡܸܢܕܝܼܵܢܹ̈ܐ ܕܦܝܼܫܹܐ ܝܢܵܐ ܡܘܼܦܠܸܚܹܐ ܝܵܘܡܵܐܝܼܬ. ܡܵܨܝܼܬܘܿܢ ܕܩܲܒܠܝܼܬܘܿܢ ܙܘܼܙܹ̈ܐ ܠܗܲܝܘܼܪܵܘܟ݂ܘܿܢ ܕܦܵܪܥܝܼܬܘܿܢ ܩܵܐ ܡܸܢܕܝܼܵܢܹ̈ܐ ܐܲܝܟ݂ ܣܒܵܕܝܼܵܬܹ̈ܐ ܕܩܵܐ ܙܲܒܛܵܢܬܵܐ ܕܓ̰ܘܼܪܹ̈ܐ ܘܕܐܸܚܪܹܐ، ܝܲܢ ܐܲܣܵܢܹ̈ܐ ܐ݇ܚܹܪ݇ܢܹ̈ܐ، ܠܸܡܠܵܝܲܝܗܝ ܣܢܝܼܩܘܼܝܵܬܵܘܟ݂̈ܘܿܢ ܕܫܲܦܠܘܼܬܵܐ. ܠܵܐ ܝܠܹܗ ܚܲܕ ܡܸܢܕܝܼ ܠܵܐ ܥܝܵܕܵܝܵܐ ܐܸܢ ܐ݇ܢܵܫܵܐ ܣܵܢܸܩ ܠܗܵܕܟ݂ܵܐ ܡܸܢܕܝܼܵܢܹ̈ܐ. ܐ݇ܢܵܫܹ̈ܐ ܕܐܝܼܬܠܗܘܿܢ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܪܵܒܵܐ ܓܵܗܹ̈ܐ ܟܹܐ ܗܵܘܝܼ ܒܚܘܼܠܡܵܢܵܐ ܦܲܓ݂ܪܵܢܵܝܵܐ ܡܚܝܼܠܵܐ.
  • ܢܘܼܩܵܠܵܐ: ܐܲܝܵܐ ܝܼܠܵܗ̇ ܩܲܒܲܠܬܵܐ ܕܙܘܼܙܹ̈ܐ ܒܢܝܼܫܵܐ ܕܠܸܚܙܵܩܵܐ ܠܥܵܒ݂ܘܿܕܘܼܝܵܬܹ̈ܐ ܘܠܸܕܥܵܪܵܐ ܠܒܲܝܬܵܐ. ܐܲܝܵܐ ܣܢܵܕܬܵܐ ܪܵܒܵܐ ܓܵܗܹ̈ܐ ܟܹܐ ܦܵܝܫܵܐ ܡܘܼܩܪܸܒ݂ܬܵܐ ܒܝܲܕ ܦܵܠܵܚܹ̈ܐ ܕܣܢܵܕܬܵܐ ܕܒܸܕ ܣܵܢܕܝܼܠܵܘܟ݂ܘܿܢ ܕܡܵܛܝܼܬܘܿܢ ܠܟܢܘܼܫܬܵܐ، ܘܕܢܵܦܠܝܼܬܘܿܢ ܒܵܬ݇ܪ ܒܘܼܠܓܵܢܹ̈ܐ ܒܘܼܣܵܡܵܝܹ̈ܐ ܘܕܐܵܙܠ݇ܝܼܬܘܿܢ ܠܘܲܥܕܹ̈ܐ. ܩܵܐ ܣܲܗܡܵܐ ܙܵܘܕܵܐ ܕܐ݇ܢܵܫܹ̈ܐ، ܙܘܼܙܹ̈ܐ ܕܢܘܼܩܵܠܵܐ ܒܸܫܩܵܠܹܗ ܝܢܵܐ ܫܵܘܦܵܐ ܕܦܘܼܪܥܵܢܵܐ ܕܡܫܲܢܝܵܢܘܼܬܵܐ ܕܣܹܢܬܲܪܠܝܼܢܟ (Centrelink Mobility Allowance) ܝܲܢ ܕܦܘܼܪ̈ܥܵܢܹܐ ܐ݇ܚܹܪ݇ܢܹ̈ܐ ܕܢܘܼܩܵܠܵܐ ܕܟܹܐ ܩܲܒܠܝܼܬܘܿܢ ܗܘܵܘ ܠܗܘܿܢ ܒܩܲܕ݇ܡܬܵܐ. ܐܸܢ ܦܪܵܥܵܐ ܝܬܘܿܢ ܩܵܐ ܗܲܝܲܪܬܵܐ ܠܸܝܠܵܦܵܐ ܕܵܐܟ݂ܝܼ ܠܡܲܦܠܘܼܚܹܐ ܢܘܼܩܵܠܵܐ ܥܲܡܡܵܝܵܐ، ܒܗ̇ܝܓܵܗܐ ܐܲܢܹܐ ܙܘܼܙܸ̈ܐ ܝܼܢܵܐ ܚܲܕ ܣܲܗܡܵܐ ܕܦܸܨܠܵܐ ܕ ‘ܒܢܵܝܬܵܐ ܕܡܲܨܝܵܢܘܼܬܵܐ (‘capacity building’) ܕܦܝܼܫܠܹܗ ܕܪܝܼܫܵܐ ܒܥܸܠܸܠ.
  • ܬܸܩܢܘܿܠܘܿܓ݂ܝܼܵܐ ܗܲܝܸܪܵܢܬܵܐ: ܐܲܣܵܢܹ̈ܐ ܠܸܣܢܵܕܵܘܟ݂ܘܿܢ. ܐܸܢ ܐܝܼܬܠܵܘܟ݂ܘܿܢ ܥܲܣܩܘܼܬܵܐ ܕܐ݇ܙܵܠܵܐ ܒܐܲܩܠܵܐ، ܡܵܨܝܼܬܘܿܢ ܕܙܵܒ݂ܢܝܼܬܘܿܢ ܚܲܕ ܬܘܼܩܵܢܵܐ ܕܡܫܲܢܝܵܢܘܼܬܵܐ. ܐܘܼܪ̈ܚܵܬܹܐ ܐܲܝܟܵܐ ܕܬܸܩܢܘܿܠܘܿܓܝܼܵܐ ܡܵܨܝܵܐ ܕܗܲܝܸܪܵܐ ܩܵܐ ܐ݇ܢܵܫܹ̈ܐ ܕܐܝܼܬܠܗܘܿܢ ܫܲܦܠܘܼܝܵܬܹ̈ܐ ܢܲܦ̮ܫܵܢܵܝܹ̈ܐ ܘܫܲܘܬܵܦܵܝܹ̈ܐ ܠܗܵܠܵܐ ܦܝܵܫܵܐ ܝܢܵܐ ܫܟ݂ܝܼܚܹܐ. ܡܵܨܝܼܬܘܿܢ ܕܙܵܒ݂ܢܝܼܬܘܿܢ ܚܲܕ ܣܘܼܪܓܵܕܵܐ ܐܹܠܸܟܬܪܘܿܢܵܝܵܐ ܝܲܢ ܚܲܕ ܬܘܼܠܚܵܡܵܐ (ܐܵܦ app) ܩܵܐ ܬܹܠܝܼܦ̮ܘܿܢܵܘܟ݂ܘܿܢ ܠܗܲܝܘܼܪܵܘܟ݂ܘܿܢ ܕܕܵܟ݂ܪܝܼܬܘܿܢ ܠܗܘܿܢ ܘܲܥܕܵܘܟ݂̈ܘܿܢ. ܐܸܢ ܣܢܝܼܩܹܐ ܝܬܘܿܢ ܠܗܲܝܲܪܬܵܐ ܠܸܡܛܵܝܵܐ ܠܚܕܵܐ ܟܘܿܡܦܝܘܿܬܵܪ ܠܸܥܒ݂ܵܕܵܐ ܒܘܼܨܵܝܵܐ ܒܘܼܬ ܡܸܢܕܝܼܵܢܹ̈ܐ ܕܒܸܕ ܗܲܝܸܪܝܼܠܵܘܟ݂ܘܿܢ ܒܫܲܦܠܘܼܬܵܘܟ݂ܘܿܢ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ، ܐܲܢܹܐ ܡܸܢܕܝܼܵܢܹ̈ܐ ܡܵܨܝܵܐ ܕܦܵܝܫܝܼ ܡܘܼܘܸܠܹܐ ܐܲܝܟ݂ ܡܲܨܪܵܦܹ̈ܐ ܕ ‘ܒܢܵܝܬܵܐ ܕܡܲܨܝܵܢܘܼܬܵܐ’.
  • ܬܘܼܪܵܨܹ̈ܐ ܓܵܘ ܒܲܝܬܵܐ: ܐܲܝܵܐ ܝܼܠܵܗ ܥܒ݂ܵܕܬܵܐ ܕܫܘܼܚܠܵܦܹ̈ܐ ܓܵܘ ܒܲܝܬܵܘܟ݂ܘܿܢ ܠܸܥܒ݂ܵܕܲܝܗܝ ܚܲܝܵܘܟ݂̈ܘܿܢ ܕܗܵܘܝܼ ܒܘܼܫ ܗܵܣܵܢܵܝ. ܩܵܐ ܛܘܼܦ̮ܣܵܐ، ܢܨܵܒ݂ܬܵܐ ܕܚܲܕ ܒܲܗܪܵܐ ܒܲܠܒܸܛܵܢܵܐ ܓܵܘ ܒܲܝܬܵܘܟ݂ܘܿܢ ܠܡܲܪܥܘܼܫܵܘܟ݂ܘܿܢ ܕܥܵܒ݂ܕܝܼܬܘܿܢ ܠܗܘܿܢ ܥܵܒ݂ܘܿܕܘܼܝܵܬܹ̈ܐ ܝܵܘܡܵܝܹ̈ܐ.
ܕܵܐܟ݂ܝܼ ܡܵܨܹܐ NDIS ܕܣܵܢܸܕܠܝܼ ܗܵܕܟ݂ܵܐ ܕܬܲܡܸܡܸܢ ܠܗܘܿܢ ܣܲܒ݂ܪ̈ܝܼ ܘܚܸܠ̈ܡܵܢܝܼ؟

ܠܗܲܝܘܼܪܹܐ ܒܣܢܵܕܬܵܐ ܕܛܠܵܒܬܵܘܟ݂ܘܿܢ ܩܵܐ NDIS، ܡܲܨܠܘܼܢ ܠܹܗ ܟܬܵܒ݂ܵܐ ܕܦܘܼܠܚܵܢܵܐ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ

ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ

ܡܣܘܼܟܡܵܐ ܡܫܲܘܬܦܵܐܝܼܬ ܥܲܡ ܐ݇ܢܵܫܹ̈ܐ ܕܐܝܼܬܠܗܘܿܢ ܡܲܪ̈ܥܹܐ ܕܗܵܘܢܵܐ ܘܫܲܒܟܲܝܗ̈ܝ ܕܣܢܵܕܬܵܐ.

  • ܕܵܐܟ݂ܝܼ ܡܵܨܹܐ NDIS ܕܣܵܢܸܕܠܝܼ ܗܵܕܟ݂ܵܐ ܕܬܲܡܸܡܸܢ ܠܗܘܿܢ ܣܲܒ݂ܪ̈ܝܼ ܘܚܸܠ̈ܡܵܢܝܼ؟

  • ܡܘܼܘܸܠܵܐ ܒܝܲܕ

    ܕܵܐܟ݂ܝܼ ܡܵܨܹܐ NDIS ܕܣܵܢܸܕܠܝܼ ܗܵܕܟ݂ܵܐ ܕܬܲܡܸܡܸܢ ܠܗܘܿܢ ܣܲܒ݂ܪ̈ܝܼ ܘܚܸܠ̈ܡܵܢܝܼ؟
Close
Do you need help?

Welcome Please choose your language

ܡܛܵܝܵܐ ܠ ndis ܒ 6 ܦܵܣܘܿܥܝܵܬܹ̈ܐ
ܫܲܪܲܝܬܵܐ ܚܘܼܠܡܵܢܵܐ ܕܗܵܘܢܵܐ ܘ NDIS ܚܘܼܠܡܵܢܵܐ ܕܗܵܘܢܵܐ، ܥܲܝܒܵܐ ܘܦܵܪܘܿܫܘܼܬܵܐ ܡܲܣܘܼܡܹܐ ܒܵܠܵܐ ܠܓܵܢܵܘܟ݂ܘܿܢ ܫܲܦܠܘܼܬܵܐ ܘܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܡܘܿܕܝܼ ܝܠܹܗ ܡܲܥܢܵܝܵܐ ܕܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܩܵܐܠܵܘܟ݂ܘܿܢ؟ ܒܣܵܡܬܵܐ ܡ̣ܢ ܡܲܪܥܵܐ ܕܗܵܘܢܵܐ، ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܘ NDIS ܡܲܥܒܕܵܢܘܵܬܹ̈ܐ ܕ 'ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ' ܣܲܗܕܘܼܬܵܐ ܕܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܐ݇ܣܵܪܬܵܐ ܕܚܲܕ ܡܲܪܥܵܐ ܕܗܵܘܢܵܐ ܒܚܕܵܐ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ
ܡܘܿܕܝܼ ܝܠܹܗ NDIS؟ ܡܵܢܝܼ ܝܢܵܐ NDIA؟ ܡܣܲܕܪܵܢܹ̈ܐ ܕܡܲܫܪ̈ܝܼܵܬܹܐ ܦܢܝܼܬܵܝܹ̈ܐ ܕܵܐܟ݂ܝܼ ܡܵܨܹܐ NDIS ܕܣܵܢܸܕܠܵܘܟ݂ܘܿܢ؟ ܡܘܿܕܝ݇ ܦܘܼܪܫܘܼܢܝܵܐ ܡܵܨܹܐ NDIS ܕܥܵܒܸܕ ܩܵܐܠܵܘܟ݂ܘܿܢ؟ ܕܵܐܟ݂ܝܼ ܡܵܨܹܐ NDIS ܕܣܵܢܸܕܠܵܗ̇ ܒܣܵܡܬܵܐ؟ ܡܘܿܕܝܼ ܦܝܼܫܵܐ ܝܠܹܗ ܡܘܼܘܸܠܵܐ؟
ܠܚܝܼܡܵܐ ܝܘܸܢ ܐܵܢܵܐ ؟ ܣܸܕܪܵܐ ܕܢܘܼܩܙܹ̈ܐ ܐܵܢܲܢܩܵܝܹ̈ܐ ܕܫܲܪ̈ܛܹܐ ܕܡܛܵܝܬܵܐ ܠ NDIS ܐܸܢ ܠܵܐ ܝܘܸܢ ܒܸܫܠܵܡܵܐ ܠܫܲܪ̈ܛܹܐ ܕܡܛܵܝܬܵܐ، ܡܘܿܕܝܼ ܡܵܨܸܝܢ ܕܥܵܒ݂ܕܸܢ؟ ܡܲܫܟ݂ܘܼܚܹܐ ܚܸܠܡܲܬܹ̈ܐ ܐ݇ܚܹܪ݇ܢܹ̈ܐ ܕܣܵܢܕܝܼܠܝܼ
ܕܵܐܟ݂ܝܼ ܠܸܛܠܵܒܵܐ ܠܩܲܒܘܼܠܹܐ ܚܕܵܐ ܟܲܪܡܘܼܟ݂ܬܵܐ ܕ NDIS؟ ܦܸܬܩܵܐ ܕܛܠܵܒܬܵܐ ܕܡܛܵܝܬܵܐ ܘܦܸܬܩܵܐ ܕܣܲܗܕܘܼܬܵܐ ܣܵܢܕܵܢܬܵܐ ܒܸܝܵܗܒ݂ܵܐ ܣܲܗܕܘܼܬܵܐ ܣܵܢܕܵܢܬܵܐ ܢܲܨܝܼܗܲܬܹ̈ܐ: ܡܟܲܦܘܼܫܹܐ ܡܲܘܕܥܵܢܘܼܬܵܐ ܒܘܼܬ ܡܲܥܒܕܵܢܘܼܝܵܬܹ̈ܐ ܦܘܼܠܚܵܢܵܝܹ̈ܐ ܢܲܨܝܼܗܲܬܹ̈ܐ: ܪܫܵܡܬܵܐ ܕ 'ܕܲܪ̈ܓ݂ܹܐ ܕܣܢܵܕܬܵܐ' ܢܲܨܝܼܗܲܬܹ̈ܐ: ܐܝܼܡܵܢ ܕܠܵܐ ܗܵܘܝܵܐ ܫܲܦܠܘܼܬܵܐ ܢܲܦ̮ܫܵܝܬܵܐ ܫܵܘܬܵܦܵܝܬܵܐ ܫܲܦܠܘܼܬܵܘܟܼܘܿܢ’ܩܲܕ݉ܡܵܝܬܵܐ‘ ܛܠܵܒܬܵܐ ܕܚܕܵܐ ܩܛܵܥܬܵܐ ܦܵܝܫܵܐ ܨܘܼܚܨܝܼܬܵܐ ܪܸ̈ܥܝܵܢܹܐ ܘܡܲܚܫܲܚܝܵܬܹ̈ܐ ܘܩܒ݂ܵܠܝܵܬܹ̈ܐ ܩܵܐ ܡܵܢܝܼ ܡܲܚܒܸܪܝܼܬܘܿܢ ܠܸܛܠܵܒܵܐ ܗܲܝܲܪܬܵܐ ܡܲܚܫܲܚܝܵܬܹ̈ܐ: ܡܕܲܒܲܪܬܵܐ ܕܟܘܼܬܵܫܹ̈ܐ ܕܡܛܵܝܬܵܐ ܡܵܢܝܼ ܡܵܨܹܐ ܕܗܵܘܹܐ ܣܢܹܐܓ݂ܪܵܘܟ݂ܘܿܢ؟
ܗܲܕܘܼܪܹܐ ܩܵܐ ܡܲܬܲܒ݂ܬܵܐ ܕܚܘܼܛܵܛܵܐ ܕNDIS ܡܘܿܕܝܼ ܝܠܹܗ ܚܲܕ ܚܘܼܛܵܛܵܐ ܕ NDIS؟ ܡܘܿܕܝܼ ܝܠܵܗ̇ ܐܘܼܪܚܵܐ ܩܵܐ ܡܲܬܲܒ݂ܬܵܐ ܕܚܘܼܛܵܛܵܐ ܕ NDIS؟ ܡܲܚܫܲܚܝܵܬܹ̈ܐ: ܩܵܐ ܓܲܒܵܝܬܵܐ ܕܚܲܕ ܡܙܲܘܸܕܵܢܵܐ ܕܚܸܠܡܲܬܹ̈ܐ ܠܡܘܿܕܝܼ ܣܢܝܼܩܵܐ ܝܘܸܢ ܕܝܵܕܥܹܢ ܒܘܼܬ ܡܙܲܘܸܕܵܢܹ̈ܐ ܕ NDIS؟ ܡܲܚܫܲܚܝܵܬܹ̈ܐ: ܩܵܐ ܡܕܲܒܲܪܬܵܐ ܕܟܘܼܬܵܫܹ̈ܐ ܒܡܲܬܲܒ݂ܬܵܐ ܕܚܘܼܛܵܛܵܐ ܗܵܘܝܼܬܘܿܢ ܒܲܣܝܼܡܹܐ ܩܵܐ ܡܲܦܠܲܚܬܵܐ ܕ reimagine.today