ܬܸܪܘܲܝܗܝ ܩܲܛܵܥܹ̈ܐ ܟܹܐ ܓ̰ܲܪܒܝܼ ܡܲܦܠܸܚܝܼ ܚܲܒܪܹ̈ܐ ܦܫܝܼܛܹ̈ܐ ܒܠܸܫܵܢܵܐ ܐܸܢܓܠܸܣܢܵܝܵܐ ܩܵܐ ܦܲܪܨܘܿܦܵܐ ܩܲܕ݉ܡܵܝܬܵܐ، ܒܣܵܡܬܵܐ ܡܗܘܼܕܝܼܬܵܐ ܘܥܲܓ̰ܲܙܬܵܐ ܡܘܼܕܸܥܬܵܐ ܠܡܫܲܡܲܗܬܵܐ ܘܗܲܡܙܲܡܬܵܐ ܒܘܼܬ ܢܸܣܝܵܢܵܐ ܕܐ݉ܢܵܫܹ̈ܐ ܚܸܝܹܐ ܝܢܵܐ ܕܲܚܕܵܐ ܐܲܝܟܲܢܵܝܘܼܬܵܐ ܘܒܣܵܡܬܵܐ ܕܚܘܼܠܡܵܢܵܐ ܕܗܵܘܢܵܐ.
NDIS ܐܝܼܬܠܵܗܿ ܠܸܫܵܢܵܐ ܕܓܵܢܘܿܗܿ ܕܐܲܚܬܘܿܢ ܣܢܝܼܩܹ̈ܐ ܝܬܘܿܢ ܗܵܕܝܼܵܐ ܕܐܵܦ ܓ̰ܲܪܒܝܼܬܘܿܢ ܦܲܪܡܝܼܬܘܿܢ ܠܹܗ. ܢܝܼܫܵܐ، ܕܬܢܹܝܡܘܼܢ ܠܨܲܠܡܲܢܬܵܐ. ܐܸܕܝܘܿܡ، ܝܼܠܹܗ ܡܲܦܠܲܚܬܵܐ ܕܠܸܫܵܢܵܐ ܕܠܲܝܬ ܓܵܘܹܗ ܚܲܒܪܵܢܹ̈ܐ ܕܝܼܠܵܢܵܝܹ̈ܐ ܐܲܝܟܼ ܕܡܵܨܝܵܢܬܵܐ ܝܠܵܗܿ. ܐܵܦ ܡܵܨܹܐ ܕܗܲܝܸܪܵܘܟܼܘܿܢ ܝܵܠܦܝܼܬܘܿܢ ܠܹܗ ܠܸܫܵܢܵܐ ܕ NDIS. ܚܲܫܚܵܬܹ̈ܐ ܒܸܕ ܗܵܘܝܼ ܡܵܪܹܐ ܦܵܝܕܵܐ ܐܸܢ ܢܣܝܼܩܹ̈ܐ ܝܬܘܿܢ ܚܕܵܐ ܡܲܢܗܲܪܬܵܐ ܕܚܲܕܟܡܵܐ ܚܲܒܪܹ̈ܐ ܟܲܕ ܗܵܘܝܼܬܘܿܢ ܒܸܦܠܵܚܵܐ ܓܵܘ ܡܲܒܘܼܥܵܐ.
ܐܸܢ ܐܝܼܬܠܵܘܟܼܘܿܢ ܚܕܵܐ ܡܲܚܫܲܚܬܵܐ ܩܵܐ ܚܲܕ ܡܸܢܕܝܼ ܓܵܘ ܬܢܹܝܡܘܼܢ ܠܨܲܠܡܲܢܬܵܐ. ܐܸܕܝܘܿܡ (reimagine.today) ܕܡܵܨܝܵܢܬܵܐ ܝܠܵܗܿ ܐ݉ܡܵܪܬܘܿܗܿ ܒܘܼܫ ܨܦܵܝܝܼ ܡܲܚܘܼܒܹܐ ܝܘܲܚ ܕܫܵܡܥܲܚ ܬܲܚܡܲܢܬܵܘܟܼܘܿܢ feedback.
ܚܲܝܹ̈ܐ ܕܐܝܼܬܠܗ݉ܘܿܢ ܡܲܥܢܵܝ ܘܫܲܪܸܟܵܢܹ̈ܐ ܝܢܵܐ: ܐܵܗܵܐ ܡܲܥܢܵܝܹܐ ܝܼܠܹܗ ܚܲܝܹ̈ܐ ܫܘܼܡܠܵܝܹ̈ܐ ܡܸܠܝܹ̈ܐ ܡܼܢ ܐܲܣܘܼܖܹ̈ܐ ܩܘܼܪܒܵܐ ܠܗܲܕܵܡܹ̈ܐ ܕܒܲܝܬܘܼܬܵܐ ܘܚܲܒܼܪܵܘܵܬܹ̈ܐ، ܘܥܒܼܵܪܬܵܐ ܒܢܸܣܝܵܢܵܐ ܕܚܘܼܠܡܵܢܵܐ ܛܵܒܼܵܐ ܘܛܵܒܼܘܼܬܵܐ ܕܚܲܝܹ̈ܐ ܩܵܐ ܕܫܵܒܼܩܝܼ ܐܵܢܝܼ ܐܲܣܘܼܖܹ̈ܐ ܗܵܘܝܼ ܡܲܚܡܸܠܵܢܹ̈ܐ. ܝܲܥܢܹܐ ܕܐ݉ܢܵܫܵܐ ܗܵܘܹܐܠܹܗ ܟܠ ܚܲܕ ܝܵܘܡܵܐ ܚܲܕ ܡܸܢܕܝܼ ܠܥܒܼܵܕܵܐ ܕܐܝܼܬܠܹܗ ܡܲܥܢܵܝ ܘܢܝܼܫܵܐ، ܐܸܢ ܗܵܘܹܐ ܐܵܗܵܐ ܫܘܼܓܼ݉ܠܵܐ، ܣܢܵܕܬܵܐ ܕܐ݉ܚܹܪ݉ܢܹ̈ܐ ܝܲܢ ܥܒܼܵܕܬܵܐ ܕܚܲܕ ܫܘܼܓܼ݉ܠܵܐ ܨܸܒܼܝܵܢܵܝܵܐ. ܝܲܥܢܹܐ ܐ݉ܢܵܫܵܐ ܗܵܘܹܐܠܹܗ ܒܲܝܬܵܐ ܘܠܵܐ ܗܵܘܹܐܠܹܗ ܥܝܼܩܘܼܬܵܐ ܙܘܼܙܵܢܵܝܬܵܐ ܝܲܢ ܠܵܐ ܚܲܬܝܼܬܘܼܬܵܐ. ܝܲܥܢܹܐ ܦܘܼܖ̈ܣܵܬܹܐ ܩܵܐ ܝܘܼܠܦܵܢܵܐ ܘܬܲܓܒܲܪܬܵܐ ܚܘܼܠܡܵܢܵܝܬܵܐ ܛܵܒܼܬܵܐ، ܟܠܲܝܗܝ ܕܠܵܐ ܥܒܼܵܪܬܵܐ ܒܢܸܣܝܵܢܵܐ ܕܡܲܬܲܒܼܬܵܐ ܕܦܘܼܪܫܘܼܢܝܵܐ ܒܣܲܒܵܒ ܕܐܝܼܬܠܵܘܟܼܘܿܢ ܥܣܝܼܩܘܼܬܵܐ ܕܚܘܼܠܡܵܢܵܐ ܕܗܵܘܢܵܐ. [4]
ܚܙܹܝܡܘܼܢ ܠܐܵܗܵܐ ܒܼܸܕܝܘܿ ܩܵܐ ܡܢܵܘܵܬܹ̈ܐ ܙܵܘܕܵܐ.
ܡܛܵܝܬܵܐ ܠܦ̮ܘܿܪܡ ܕܛܠܵܒܬܵܐ: ܚܲܕ ܦ̮ܘܿܪܡ ܕܩܲܕܲܡܬܵܐ ܕܚܲܕ ܦܲܪܨܘܿܦܵܐ ܡܵܠܝܼܠܹܗ ܕ NDIS ܟܹܐ ܡܲܦܠܸܚܵܠܹܗ ܕܝܼܠܹܗ ܚܲܕ ܣܵܡܵܐ ܕܡܵܘܕܥܵܢܘܼܬܵܐ ܡܘܼܦܠܸܚܬܵܐ ܩܵܐ ܫܩܵܠܬܵܐ ܕܦܘܼܣܩܵܢܵܐ ܕܐܸܢ ܡܵܨܝܼܬܘܿܢ ܫܵܩܠܝܼܬܘܿܢ ܣܢܵܕܬܵܐ ܙܘܼܙܵܢܵܝܬܵܐ ܕ NDIS.
ܡܲܛܠܵܒܹ̈ܐ ܕܡܛܵܝܬܵܐ: ܩܵܐ ܕܫܵܩܠܝܼܬܘܿܢ ܣܢܵܕܬܵܐ ܙܘܼܙܵܢܵܝܬܵܐ ܕ NDIS ܓܵܪܸܓ:
ܡܛܵܝܬܵܐ ܠܦܘܼܣܩܵܢܵܐ: ܩܒܵܠܬܵܐ ܝܲܢ ܠܵܐ ܩܒܵܠܬܵܐ ܕܡܲܛܠܵܒܵܐ ܕܡܛܵܝܬܵܐ ܕܚܲܕ ܦܲܪܨܘܿܦܵܐ (ܦ̮ܘܿܪܡ ܕܩܲܕܲܡܬܵܐ ܕ NDIS) ܒܝܲܕ NDIA
ܣܢܹܐܓܼܪܵܐ: ܚܲܕ ܦܲܪܨܘܿܦܵܐ ܕܒܸܕ ܣܵܢܸܕܠܵܘܟܼܘܿܢ ܘܗܲܝܸܪܠܵܘܟܼܘܿܢ ܘܟܵܠܹܐ ܥܲܡܵܘܟܼܘܿܢ ܒܘܼܬ ܙܸܕܩܵܘܟܼܘܿܢ، ܣܢܝܼܩܘܼܝܵܬܵܘܟܼܘܿܢ ܘܒܵܥܘܼܝܵܬܵܘܟܼܘܿܢ. ܣܢܹܐܓܼܪܵܐ ܐܵܦ ܡܵܨܹܐ ܚܲܕܟܡܵܐ ܓܵܗܹ̈ܐ ܗܲܡܙܸܡ، ܟܵܬܹܒܼ ܝܲܢ ܟܵܠܹܐ ܡܼܢ ܓܹܢ݉ܒܵܘܟܼܘܿܢ.
ܣܘܼܟܵܝܵܐ: ܗܸܒܼܝܼ ܝܲܢ ܚܸܠܡܵܐ ܩܵܐ ܬܲܡܲܡܬܵܐ ܕܚܲܕ ܡܸܢܕܝܼ ܓܵܘ ܚܲܝܘܼܬܵܘܟܼܘܿܢ.
ܡܲܣܲܐܬܵܐ (ܡܲܣܲܐܝܵܬܹ̈ܐ): ܐܝܼܬ ܬܠܵܐ ܡܲܣܲܐܝܵܬܹ̈ܐ ܕܣܢܵܕܬܵܐ ܕܡܵܨܝܵܐ NDIS ܝܵܗܒܼܵܐ ــ ܫܲܪܘܲܝܬܵܐ، ܒܢܵܝܬܵܐ ܕܡܨܵܝܬܵܐ ܘܪܹܫ ܡܵܠܵܐ ܕܝܼܢܵܐ ܟܠܲܝܗܝ ܐ݉ܣܝܼܪܹ̈ܐ ܒܦܸܨܠܹ̈ܐ ܦܪܝܼܫܹ̈ܐ ܕܣܢܵܕܝܵܬܹ̈ܐ. ܐܲܢܹܐ ܡܲܣܲܐܝܵܬܹ̈ܐ ܝܼܢܵܐ ܟܡܵܝܘܼܝܵܬܹ̈ܐ ܦܪܝܼܫܹ̈ܐ ܕܙܘܼܙܹ̈ܐ ܕܚܲܕ ܦܲܪܨܘܿܦܵܐ ܟܹܐ ܩܲܒܸܠܗ݉ܘܿܢ ܡܼܢ NDIS ܩܵܐ ܣܢܵܕܝܵܬܹ̈ܐ ܦܪܝܼܫܹ̈ܐ.
ܒܢܵܝܬܵܐ ܕܡܨܵܝܬܵܐ: ܐܵܗܵܐ ܝܼܠܵܗܿ ܒܘܼܬ ܚܲܬܲܬܵܐ (ܐܲܟܲܕܬܵܐ) ܕܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܘܒܲܝܬܘܼܬܲܝܗܝ ܗܵܘܹܐ ܠܗ݉ܘܿܢ ܡܗܝܼܪܘܼܝܵܬܹ̈ܐ، ܡܲܒܘܼܥܹ̈ܐ ܘܗܲܝܡܵܢܘܼܬܵܐ ܒܓܵܢܲܝܗܝ ܕܣܢܝܼܩܹ̈ܐ ܝܢܵܐ ܩܵܐ ܕܫܵܘܬܸܦܝܼ ܓܵܘ ܟܢܘܼܫܬܵܐ ܝܲܢ ܡܵܛܝܼ ܠܗܲܪ ܐܵܢܝܼ ܐܵܕܫܹ̈ܐ ܕܦܘܼܖ̈ܣܵܬܹܐ ܝܲܢ ܚܸܠܡܲܬܹ̈ܐ ܐܲܝܟܼ ܐ݉ܢܵܫܹ̈ܐ ܐ݉ܚܹܪ݉ܢܹ̈ܐ.
ܬܲܓܒܸܪܵܢܵܐ: ܚܲܕ ܦܲܪܨܘܿܦܵܐ ܕܡܲܣܸܡ ܒܵܠܵܐ ܥܲܠ ܚܲܕ ܐ݉ܢܵܫܵܐ ܐ݉ܚܹܪ݉ܢܵܐ ܕܐܝܼܬܠܹܗ ܫܲܦܠܘܼܬܵܐ. ܬܲܓܒܸܪܵܢܵܐ ܠܹܐ ܦܵܐܹܫ ܦܘܼܪܸܥܝܵܐ ܘܥܝܵܕܵܐܝܼܬ ܝܼܠܹܗ ܚܲܕ ܗܲܕܵܡܵܐ ܕܒܲܝܬܘܼܬܵܐ.
ܦܪܵܫܬܵܐ ܘܙܲܒܛܲܢܬܵܐ: ܥܲܡ NDIS ܐ݉ܢܵܫܹ̈ܐ ܟܹܐ ܦܵܪܫܝܼ ܡܘܿܕܝܼ ܝܠܹܗ ܐܵܢܲܢܩܵܝܵܐ ܩܵܐܠܲܝܗܝ. ܫܲܪܸܟܵܢܹ̈ܐ ܕ NDIS ܟܹܐ ܩܵܛܥܝܼ ܒܚܝܼܵܠܲܝܗܝ ܡܘܿܕܝ݉ ܣܢܵܕܬܵܐ ܩܲܒܠܝܼ ܘܡܵܢܝܼ ܣܵܢܸܕܠܗ݉ܘܿܢ.
ܒܠܵܓܬܵܐ ܟܢܘܼܫܬܵܢܵܝܬܵܐ: ܐܘܼܖ̈ܚܵܬܹܐ ܕܐ݉ܢܵܫܹ̈ܐ ܚܵܒܼܛܝܼ ܓܵܘ ܟܢܘܼܫܬܲܝܗܝ
ܚܒܼܵܫܬܵܐ ܓܵܘ ܟܢܘܼܫܬܵܐ: ܐܵܗܵܐ ܝܼܠܵܗܿ ܚܲܬܲܬܵܐ (ܐܲܟܲܕܬܵܐ) ܕܟܠ ܚܲܕ ܦܲܪܨܘܿܦܵܐ، (ܐܝܼܬܠܹܗ ܫܲܦܠܘܼܬܵܐ ܝܲܢ ܠܵܐ) ܕܒܵܥܹܐ، ܡܵܨܹܐ ܡܵܛܹܐ ܘܚܵܒܼܹܛ ܓܵܘ ܟܠܲܝܗܝ ܣܵܡܹ̈ܐ ܕܲܚܕܵܐ ܥܵܒܼܘܿܕܘܼܬܵܐ ܝܲܢ ܚܸܠܡܲܬ ܗܲܪ ܒܗܿܝ ܐܘܼܪܚܵܐ ܕܟܠ ܚܲܕ ܗܲܕܵܡܵܐ ܐ݉ܚܹܪ݉ܢܵܐ ܕܟܢܘܼܫܬܵܐ. [1]
ܚܸܠܡܲܬܹ̈ܐ ܕܟܢܘܼܫܬܵܐ: ܥܵܒܼܘܿܕܘܵܬܹ̈ܐ ܝܲܢ ܚܸܠܡܲܬܹ̈ܐ ܕܟܠ ܚܲܕ ܦܲܪܨܘܿܦܵܐ ܡܵܨܹܐ ܡܲܦܠܸܚܠܗ݉ܘܿܢ ܓܵܘ ܟܢܘܼܫܬܵܐ، ܩܵܐ ܛܘܼܦ̮ܣܵܐ ܒܵܬܲܝ̈ ܐܵܖ̈ܟܹܐ ܘܝܲܗܠܹ̈ܐ ܕܐܵܬܠܹܝܛܘܼܬܵܐ. ܚܲܕܟܡܵܐ ܡܼܢ ܡܙܲܘܸܕܵܢܹ̈ܐ ܕܚܸܠܡܲܬ ܐܵܦ ܟܹܐ ܩܵܪܝܼܠܵܗܿ ܓܵܢܲܝܗܝ ܚܸܠܡܲܬܹ̈ܐ ܕܟܢܘܼܫܬܵܐ ܣܲܒܵܒ ܓܘܼܪܒܼܸܣܹ̈ܐ ܝܢܵܐ ܡܼܢ ܣܢܝܼܩܘܼܬܵܐ ܠܚܘܿܕܵܝܬܵܐ ܕܟܢܘܼܫܝܵܬܹ̈ܐ ܡܲܗܲܠܵܝܹ̈ܐ.
ܬܵܟܼܘܿܠܵܐ: ܚܲܕ ܦܲܪܨܘܿܦܵܐ ܕܒܕܲܥܒܼܲܪ ܫܩܝܼܠܵܐ ܝܠܹܗ، ܝܲܢ ܗܵܕܝܼܵܐ ܒܸܫܩܵܠܵܐ ܝܠܹܗ، ܣܢܵܕܬܵܐ ܩܵܐ ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ. ܐܲܢܹܐ ܐ݉ܢܵܫܹ̈ܐ ܐܝܼܬܠܗ݉ܘܿܢ ܚܲܕ ܢܸܣܝܵܢܵܐ ܕܚܸܝܹܐ ܝܢܵܐ ܕܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ.
ܡܣܲܕܪܵܢܘܼܬܵܐ ܕܣܢܵܕܝܵܬܹ̈ܐ: ܚܲܕ ܡܼܢ ܦܸܨܠܹ̈ܐ ܕܣܢܵܕܬܵܐ ܓܵܘ ܚܘܼܛܵܛܵܐ ܕܫܲܪܸܟܵܢܵܐ ܕ NDIS ܡܵܨܹܐ ܗܵܘܹܐ ’ܡܣܲܕܪܵܢܘܼܬܵܐ ܕܣܢܵܕܝܵܬܹ̈ܐ ‘. ܐܝܼܡܵܢ ܕܦܲܪܨܘܿܦܹ̈ܐ ܗܵܘܹܐܠܗ݉ܘܿܢ ܣܢܵܕܬܵܐ ܙܘܼܙܵܢܵܝܬܵܐ ܩܵܐ ܕܐܵܗܵܐ ܦܸܨܠܵܐ ܕܣܢܵܕܝܵܬܲܝܗܝ ܟܹܐ ܦܵܝܫܝܼ ܝܘܼܗܒܼܹ̈ܐ ܗܲܝܲܪܬܵܐ ܩܵܐ ܡܲܪܝܲܙܬܵܐ ܘܲܡܕܲܒܲܪܬܵܐ ܕܣܢܵܕܝܵܬܲܝܗܝ ܓܵܘ ܚܘܼܛܵܛܲܝܗܝ.
ܫܲܦܠܘܼܬܵܐ: ܫܲܦܠܘܼܬܵܐ ܝܼܠܵܗܿ ܛܲܠܲܩܬܵܐ ܕܟܠܵܗܿ ܝܲܢ ܕܚܲܕ ܣܲܗ݉ܡܵܐ ܕܥܒܼܵܕܹ̈ܐ ܦܲܓܼܪܵܢܵܝܹ̈ܐ ܝܲܢ ܗܵܘܢܵܝܹ̈ܐ (ܩܵܢܘܿܢ ܕܫܲܦܠܘܼܬܵܐ 1992). ܫܲܦܠܘܼܬܵܐ ܡܵܨܝܵܐ ܕܗܵܘܹܐܠܵܗܿ ܡܲܥܒܕܵܢܘܼܬܵܐ ܥܲܠ ܐܘܼܪܚܵܐ ܕܦܲܪܨܘܿܦܹ̈ܐ ܡܲܦܠܸܚܝܼ ܠܦܲܓܼܪܲܝܗܝ ܝܲܢ ܡܘܼܚܲܝܗܝ، ܘܐܵܦ ܝܲܢ ܡܨܵܝܬܲܝ̈ܗܝ ܠܥܒܼܵܕܬܵܐ ܕܡܸܢܕܝܵܢܹ̈ܐ ܓܵܘ ܕܘܼܟܬܵܐ ܕܚܲܕܸܪܘܵܢܲܝܗܝ. ܫܲܦܠܘܼܬܵܐ ܡܵܨܝܵܢܬܵܐ ܝܠܵܗܿ ܦܲܪܡܵܝܬܘܿܗܿ ܒܚܲܕ ܡܸܢܝܵܢܵܐ ܕܐܘܼܖ̈ܚܵܬܹܐ (ܚܙܹܝܡܘܼܢ ܛܘܼܦ̮ܣܵܐ ܐܵܣܝܵܝܵܐ ܕܫܲܦܠܘܼܬܵܐ ܘܛܘܼܦ̮ܣܵܐ ܫܵܘܬܵܦܵܝܵܐ ܕܫܲܦܠܘܼܬܵܐ medical model of disability).
ܚܲܕ ܚܲܒܪܵܐ ܡܫܲܡܘܼܗܹܐ ܙܲܒܘܿܢܘܼܝܵܬܹ̈ܐ ܕܚܲܕ ܦܲܪܨܘܿܦܵܐ، ܬܸܚܘܼܒܹ̈ܐ ܕܥܵܒܼܘܿܕܘܼܬܵܐ ܘܩܲܝܲܨܝܵܬܹ̈ܐ ܕܫܵܘܬܲܦܬܵܐ. ܡܲܕܘܼܥܹܐ ܦܸܨܠܹ̈ܐ ܡܪܝܼܡܵܢܹ̈ܐ (-) ܕܚܒܼܵܛܬܵܐ ܒܹܝܠ ܚܲܕ ܦܲܪܨܘܿܦܵܐ (ܕܐܝܼܬܠܹܗ ܐܲܝܟܲܢܵܝܘܼܬܵܐ ܚܘܼܠܡܵܢܵܝܬܵܐ) ܘܗܘܵܝܬܵܐ ܕܕܘܼܟܵܢܹ̈ܐ ܦܲܪܨܘܿܦܵܝܹ̈ܐ ܘܡܲܚܲܕܘܼܪܵܝܹ̈ܐ ܕܦܲܪܨܘܿܦܵܐ.
ܫܲܦܠܘܼܬܵܐ ܡܵܨܝܵܐ ܗܵܘܝܵܐ ܚܲܕ:
ܫܲܒܼܪܘܼܬܵܐ ܒܟܼܝܼܪܬܵܐ ܥܒܼܵܪܬܵܐ ܒܟܼܝܼܪܬܵܐ (ECEI): ܐܵܗܵܐ ܝܼܠܹܗ ܚܘܼܪܙܵܐ ܕܟܹܐ ܝܵܗܒܼܸܠ ܩܵܐ ܫܲܒܼܪܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܗܲܝܲܪܬܵܐ ܐܝܼܡܵܢ ܕܝܼܢܵܐ ܙܥܘܿܖܹ̈ܐ ܩܵܐ ܕܗܵܘܝܼ ܚܲܝܲܝ̈ܗܝ ܒܘܼܫ ܨܦܵܝܝܼ ܒܵܬ݉ܪ ܗܵܕܵܟܼ، ܒܘܼܬ ܗܵܕܟܼܵܐ ܠܹܐ ܝܢܵܐ ܣܢܝܼܩܹ̈ܐ ܕܡܵܛܝܼ ܠ NDIS.
ܫܲܪܲܟܬܵܐ ܐܸܩܘܿܢܘܿܡܸܝܵܝܬܵܐ ܘܫܵܘܬܵܦܵܝܬܵܐ: ܝܲܥܢܹܐ ܐܘܼܖ̈ܚܵܬܹܐ ܕܚܒܼܝܼܛܹܐ ܝܬܘܿܢ ܓܵܘ ܟܢܘܼܫ̈ܝܵܬܲܢ ܘܐܸܩܘܿܢܘܿܡܸܝܲܢ. ܫܲܪܲܟܬܵܐ ܐܸܩܘܿܢܘܿܡܸܝܵܝܬܵܐ ܝܲܥܢܹܐ ܡܸܢܕܝܵܢܹ̈ܐ ܐܲܝܟܼ ܦܠܵܚܬܵܐ ܓܵܘ ܚܲܕ ܫܘܼܓܼ݉ܠܵܐ (ܦܘܼܪܣܵܐ ܩܵܐ ܩܢܵܝܬܵܐ ܕܙܘܼܙܹ̈ܐ)، ܨܸܒܼܝܵܢܵܝܘܼܬܵܐ ܝܲܢ ܩܪܵܝܬܵܐ. ܫܲܪܲܟܬܵܐ ܫܵܘܬܵܦܵܝܬܵܐ ܟܹܐ ܚܵܒܼܫܵܐ ܪܚܵܫܬܵܐ ܠܒܹܝܬ ܣܡܵܟܼܵܐ ܝܲܢ ܝܲܗܠܵܐ، ܘܐܵܦ ܗܘܵܝܬܵܐ ܕܚܲܕ ܣܵܡܵܐ ܕܡܲܣܲܡܬܵܐ ܕܒܵܠܵܐ ܥܲܠ ܗܲܕܵܡܹ̈ܐ ܕܒܲܝܬܘܼܬܵܐ ܘܚܲܒܼܪܵܘܵܬܹ̈ܐ.
ܠܚܝܼܡܘܼܬܵܐ: ܝܲܥܢܹܐ ܐܸܢ ܬܲܡܸܡܝܼܬܘܿܢ ܠܢܛܘܿܖ̈ܝܵܬܹܐ (ܡܲܛܠܵܒܹ̈ܐ ܕܡܛܵܝܬܵܐ) ܕܡܵܢܝܼ ܡܵܨܹܐ ܫܵܩܹܠ ܣܢܵܕܬܵܐ ܙܘܼܙܵܢܵܝܬܵܐ ܕ NDIS. NDIS ܣܵܡܵܐ ܙܵܘܕܵܐ ܟܹܐ ܡܲܦܠܸܚܵܐ ܦ̮ܘܿܪܡ ܕܛܠܵܒܬܵܐ ܕܡܛܵܝܬܵܐ ܩܵܐ ܫܩܵܠܬܵܐ ܕܦܘܼܣܩܵܢܵܐ ܕܐܸܢ ܡܵܨܝܼܬܘܿܢ ܫܵܩܠܝܼܬܘܿܢ ܡܼܢ NDIS.
ܓܸܕܫܵܢܵܝܵܐ: ܚܲܕ ܦܲܪܨܘܿܦܵܐ ܕܐܝܼܬܠܹܗ ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ ܒܲܠܟܵܐ ܥܵܒܼܹܪ ܓܵܘ ܥܸܕܵܢܵܬܹ̈ܐ ܕܚܲܝܘܼܬܵܐ ܨܦܵܝܝܼ، ܐܝܼܢܵܐ ܠܹܐ ܚܵܝܹܐ ܚܲܝܘܼܬܵܐ ܨܦܵܝܼ. ܐܝܼܡܵܢ ܕܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ ܕܚܲܕ ܦܲܪܨܘܿܦܵܐ ܟܹܐ ܫܲܚܠܸܦܵܐ ܚܲܠܲܢܬܘܿܗܿ، ܐܵܗܵܐ ܟܹܐ ܦܵܐܹܫ ܝܕܝܼܥܵܐ ܐܲܝܟܼ ܓܸܕܫܵܢܵܝܵܐ ‘episodic’. ܐܸܢ ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ ܕܚܲܕ ܦܲܪܨܘܿܦܵܐ ܝܼܠܵܗܿ ܓܸܕܫܵܢܵܝܬܵܐ، ܐܝܼܢܵܐ ܐܝܼܬܠܹܗ ܡܲܥܒܕܵܢܘܼܝܵܬܹ̈ܐ ܩܵܐ ܥܸܕܵܢܵܐ ܝܲܪܝܼܟܼܬܵܐ ܕܣܢܝܼܩܵܐ ܝܠܹܗ ܠܗܲܝܲܪܬܵܐ ܙܘܼܙܵܢܵܝܬܵܐ ܩܵܐ ܟܠܲܝܗܝ ܫܸܢܹ̈ܐ ܕܚܲܝܹ̈ܐ، ܒܲܠܟܵܐ ܡܵܨܹܐ ܕܡܵܛܹܐ ܠ NDIS.
ܣܢܵܕܝܵܬܹ̈ܐ ܪܘܼܫܡܵܝܬܵܐ: ܣܢܵܕܬܵܐ ܕܐ݉ܢܵܫܹ̈ܐ ܟܹܐ ܦܵܪܥܝܼ ܩܵܐܠܘܿܗܿ ܒܡܹܐܣܵܪܬܲܝܗܝ ܕ NDIS.
ܐܸܣܟܹܝܡܵܐ ܟܡܝܼܠܵܐ: ܣܝܼܩܘܿܡܹ̈ܐ ܐܝܼܡܵܢ ܕ NDIS ܒܸܕ ܗܵܘܝܵܐ ܗܵܙܹܪ ܩܵܐ ܟܠܲܝܗܝ ܐܘܿܣܬܪܵܠܝܵܝܹ̈ܐ ܕܝܼܢܵܐ ܠܚܝܼܡܹ̈ܐ:
ܡܼܢ ܩܵܕ݉ܡ ܐܲܢܹܐ ܣܝܼܩܘܿܡܹ̈ܐ ܐܲܚܟ̰ܝܼ ܚܲܕܟܡܵܐ ܐ݉ܢܵܫܹ̈ܐ ܓܵܘ ܚܲܕܟܡܵܐ ܦܸܢܝܵܬܹ̈ܐ ܡܵܨܝܼ ܩܲܕܸܡܝܼ.
ܥܒܼܵܕܬܵܐ ܕܡܸܢܕܝܵܢܹ̈ܐ: ܐܵܗܵܐ ܝܼܠܹܗ ܚܲܕ ܚܲܒܪܵܐ ܕܟܹܐ ܦܵܐܹܫ ܡܘܼܦܠܸܚܵܐ ܩܵܐ ܕܫܲܡܸܗ ܠܡܸܢܕܝܵܢܹ̈ܐ ܕܡܵܨܝܼܬܘܿܢ ܥܵܒܼܕܝܼܬܘܿܢ، ܒܸܚܒܼܵܫܵܐ ܥܵܒܼܘܿܕܘܵܬܹ̈ܐ ܘܫܲܪܲܟܬܵܐ. ܟܹܐ ܫܲܡܸܗ ܓܹܢ݉ܒܵܢܹ̈ܐ ܡܣܝܼܡܵܢܹ̈ܐ (+) ܕܚܒܼܵܛܬܵܐ ܒܹܝܠ ܚܲܕ ܦܲܪܨܘܿܦܵܐ ܘܡܲܚܕܘܼܪܵܐ ܕܝܼܹܗ.
ܡܲܥܒܕܵܢܘܼܬܵܐ ܕܥܒܼܵܕܬܵܐ ܕܡܸܢܕܝܵܢܹ̈ܐ: ܐܵܗܵܐ ܝܼܠܹܗ ܚܲܕ ܚܲܒܪܵܐ ܕܟܹܐ ܦܵܐܹܫ ܡܘܼܦܠܸܚܵܐ ܩܵܐ ܕܫܲܡܸܗ ܐܵܕܫܵܐ ܘܚܸܪܒܵܝܘܼܬܵܐ ܕܫܲܦܠܘܼܬܵܐ ܕܚܲܕ ܦܲܪܨܘܿܦܵܐ ܘܕܵܐܟܼܝܼ ܟܹܐ ܥܵܒܼܕܵܐ ܡܲܥܒܕܵܢܘܼܬܵܐ ܥܲܠ ܡܸܢܕܝܵܢܹ̈ܐ ܕܣܢܝܼܩܵܐ ܝܠܹܗ ܕܥܵܒܼܹܕܠܗ݉ܘܿܢ ܘܐܘܼܪܚܵܐ ܕܥܵܒܼܸܕܠܗ݉ܘܿܢ.
ܣܢܵܕܝܵܬܹ̈ܐ ܡܘܼܘܸܠܹ̈ܐ: ܣܢܵܕܬܵܐ ܕ NDIS ܟܹܐ ܝܵܗܒܼܵܐ ܠܵܘܟܼܘܿܢ ܙܘܼܙܹ̈ܐ ܩܵܐ ܕܦܵܪܥܝܼܬܘܿܢ ܩܵܐܠܘܿܗܿ. ܣܢܵܕܬܵܐ ܕܟܹܐ ܗܲܝܸܪܵܐ ܫܲܪܸܟܵܢܹ̈ܐ ܥܵܒܼܕܝܼ ܥܵܒܼܘܿܕܘܵܬܲܝ̈ܗܝ ܝܵܘܡܵܝܹ̈ܐ ܘܲܕܡܵܛܝܼ ܠܢܝܼܫܲܝܗܝ. ܐܲܢܹܐ ܣܢܵܕܝܵܬܹ̈ܐ ܓܵܪܸܓ ܗܵܘܝܼ ܡܸܬܩܲܒܠܵܢܹ̈ܐ ܘܐܵܢܲܢܩܵܝܹ̈ܐ.
ܡܹܐܣܵܪܬܵܐ ܕܣܢܵܕܬܵܐ ܡܘܼܘܸܠܬܵܐ: ܟܡܵܝܘܼܬܵܐ ܕܙܘܼܙܹ̈ܐ ܕܐܝܼܬ ܩܵܐ ܚܲܕ ܐ݉ܢܵܫܵܐ ܓܵܘ ܡܹܐܣܵܪܬܹܗ ܩܵܐ ܣܢܵܕܝܵܬܹ̈ܐ ܒܐܘܼܪܚܵܐ ܕ NDIS. ܚܘܼܛܵܛܵܐ ܕܚܲܕ ܦܲܪܨܘܿܦܵܐ ܒܸܕ ܐܵܡܹܪ ܠܵܘܟܼܘܿܢ ܟܡܵܐ ܙܘܼܙܹ̈ܐ ܟܹܐ ܫܵܩܠܝܼܬܘܿܢ ܓܵܘ ܡܹܐܣܵܪܬܵܘܟܼܘܿܢ.
ܢܝܼܫܹ̈ܐ (ܗܸܒܼܝܹ̈ܐ ܘܚܸܠܡܵܢܹ̈ܐ): ܡܸܢܕܝܵܢܹ̈ܐ ܕܒܵܥܝܼܬܘܿܢ ܥܵܒܼܕܝܼܬܘܿܢ ܠܗ݉ܘܿܢ ܝܲܢ ܬܲܡܸܡܝܼܬܘܿܢ ܠܗ݉ܘܿܢ ܒܕܲܥܬܝܼܕ ܕܒܸܕ ܗܲܝܸܪܝܼ ܠܵܘܟܼܘܿܢ ܕܗܵܘܹܐ ܠܵܘܟܼܘܿܢ ܚܲܝܹ̈ܐ ܒܲܣܝܼܡܹ̈ܐ (ܐܵܦ ܚܙܹܝܡܘܼܢ ܣܘܼܟܵܝܹ̈ܐ).
ܢܵܛܪܵܢܵܐ: ܚܲܕ ܦܲܪܨܘܿܦܵܐ ܕܡܵܨܹܐ ܩܵܢܘܿܢܵܐܝܼܬ ܓܲܒܹܐ ܡܸܢܕܝܵܢܹ̈ܐ ܩܵܐ ܚܲܕ ܦܲܪܨܘܿܦܵܐ ܕܐܝܼܬܠܹܗ ܫܲܦܠܘܼܬܵܐ. ܥܝܵܕܵܐܝܼܬ، ܐܲܒܼܵܗܹ̈ܐ ܝܼܢܵܐ ܢܵܛܪܵܢܹ̈ܐ، ܐܝܼܢܵܐ ܚܲܕܟܡܵܐ ܐ݉ܢܵܫܹ̈ܐ ܐܝܼܬܠܗ݉ܘܿܢ ܫܵܘܦܵܐ ܐܲܝܟܼ ܢܵܛܪܵܢܲܝ̈ܗܝ (ܢܵܛܘܿܪܘܼܬܵܐ).
ܚܘܼܠܡܵܢܵܐ: ܚܕܵܐ ܐܲܝܢܵܝܘܼܬܵܐ ܟܡܝܼܠܬܵܐ ܕܛܵܒܼܘܼܬܵܐ ܕܚܲܝܹ̈ܐ ܦܲܓܼܪܵܢܵܝܬܵܐ، ܗܵܘܢܵܝܬܵܐ، ܘܫܵܘܬܵܦܵܝܬܵܐ.
ܙܲܒܘܿܢܘܼܬܵܐ ــ ܛܲܠܲܩܬܵܐ ܕܬܸܚܘܼܒܵܐ ܕܥܒܼܵܕܵܐ ܦܲܓܼܪܵܢܵܝܵܐ، ܗܵܘܢܵܝܵܐ ܪܓܼܵܫܬܵܢܵܝܵܐ ܩܵܐ ܥܸܕܵܢܵܐ ܝܲܪܝܼܟܼܬܵܐ ܝܲܢ ܐܲܡܝܼܢܵܝܬܵܐ. [2] ܩܵܐ ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܐܲܝܟܲܢܘܵܬܹ̈ܐ ܕܚܘܼܠܡܵܢܵܐ ܕܗܵܘܢܵܐ ܐܵܗܵܐ ܐܵܦ ܒܸܕ ܚܵܒܼܹܫ ܛܲܠܲܩܬܵܐ ܕܥܒܼܵܕܵܐ ܒܸܢܝܵܐ ܥܲܠ ܓܸܕܫܵܢܵܝܵܐ ܐܲܝܢܝܼ ܕܓܵܘ ܪܵܒܵܐ ܓܵܗܹ̈ܐ ܟܹܐ ܡܲܡܛܹܐ ܠܙܲܒܘܿܢܘܼܬܵܐ ܩܵܐ ܥܸܕܵܢܵܐ ܝܲܪܝܼܟܼܬܵܐ ܝܲܢ ܙܲܒܘܿܢܘܼܬܵܐ ܐܲܡܝܼܢܵܝܬܵܐ ܘܫܲܦܠܘܼܬܵܐ ܐܵܬܝܵܢܬܵܐ. [3]
ܣܢܵܕܝܵܬܹ̈ܐ ܠܵܐ ܖ̈ܘܼܫܡܵܝܵܬܹܐ: ܫܲܪܸܟܵܢܹ̈ܐ ܕܣܢܵܕܝܵܬܹ̈ܐ ܠܵܐ ܦܘܼܖ̈ܥܸܝܹܐ ܟܹܐ ܫܵܩܠܝܼ ܡܼܢ ܐ݉ܢܵܫܹ̈ܐ ܚܲܕܸܪܘܵܢܲܝܗܝ، ܩܵܐ ܛܘܼܦ̮ܣܵܐ ܗܲܕܵܡܹ̈ܐ ܕܒܲܝܬܘܼܬܵܐ، ܚܲܒܼܪܵܘܵܬܹ̈ܐ، ܫܒܼܵܒܼܹ̈ܐ ܘܡܵܪܵܘܵܬܹ̈ܐ ܕܕܘܼܟܵܢܹܢܹ̈ܐ ܓܵܘ ܟܢܘܼܫܬܵܐ ܡܲܗܲܠܵܝܬܵܐ.
ܪܹܫܘܼܬܵܐ ܕܥܲܪܵܒܼܘܼܬܵܐ: ܟܠ ܚܲܕ ܐܘܿܣܬܪܵܠܝܵܝܵܐ ܕܒܸܪܝܵܐ ܝܠܹܗ ܒܫܲܦܠܘܼܬܵܐ ܝܲܢ ܗܵܘܹܐܠܹܗ ܫܲܦܠܘܼܬܵܐ ܓܵܘ ܚܲܝܹ̈ܗ ܒܸܕ ܩܵܢܹܐ ܣܢܵܕܬܵܐ ܕܣܢܝܼܩܵܐ ܝܠܹܗ ܥܲܠܘܿܗܿ ܡܼܢ ܕ NDIS.
ܐܵܣܘܿܖܹ̈ܐ: ܬܚܘܿܬ NDIS، ܡܲܥܢܵܝ ܕܐܵܗܵܐ ܝܼܠܹܗ ܚܲܬܲܬܵܐ ܕܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܐ݉ܣܝܼܪܹ̈ܐ ܝܢܵܐ ܒܣܢܵܕܝܵܬܹ̈ܐ ܘܚܸܠܡܲܬܹ̈ܐ ܠܵܐ ܖ̈ܘܼܫܡܵܝܵܬܹܐ ܓܵܘ ܟܢܘܼܫܬܵܐ ܕܟܹܐ ܗܲܝܸܪܵܐ ܒܬܲܡܲܡܬܵܐ ܕܣܢܝܼܩܘܼܝܵܬܲܝ̈ܗܝ.
ܢܸܣܝܵܢܹ̈ܐ ܚܸܝܹܐ: ܢܸܣܝܵܢܵܐ ܕܚܲܕ ܦܲܪܨܘܿܦܵܐ ܕܒܸܚܵܝܵܐ ܝܠܹܗ ܥܲܡ ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ ܝܲܢ ܐܝܼܬܠܹܗ ܐܲܣܘܼܪܵܐ ܚܲܝܠܵܢܵܐ ܥܲܡ ܚܲܕ ܕܐܝܼܬܠܹܗ ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ ܩܵܐ ܛܘܼܦ̮ܣܵܐ ܚܲܕ ܗܲܕܵܡܵܐ ܕܒܲܝܬܘܼܬܵܐ ܝܲܢ ܫܲܪܝܼܟܵܐ. ܐܵܗܵܐ ܚܲܒܪܵܐ ܐܵܦ ܦܝܼܫܵܐ ܝܠܹܗ ܡܘܼܦܠܸܚܵܐ ܩܵܐ ܕܫܲܡܸܗ ܠܢܸܣܝܵܢܵܐ ܕܒܣܵܡܬܵܐ.
ܢܸܣܝܵܢܹ̈ܐ ܚܸܝܹܐ ܕܫܲܦܠܘܼܬܵܐ: ܢܸܣܝܵܢܵܐ ܕܚܲܝܘܼܬܵܐ ܕܚܲܕ ܦܲܪܨܘܿܦܵܐ ܥܲܡ ܫܲܦܠܘܼܬܵܐ ܝܲܢ ܐܝܼܬܠܹܗ ܐܲܣܘܼܪܵܐ ܚܲܝܠܵܢܵܐ ܥܲܡ ܚܲܕ ܐ݉ܚܹܪ݉ܢܵܐ ܕܐܝܼܬܠܹܗ ܫܲܦܠܘܼܬܵܐ ܩܵܐ ܛܘܼܦ̮ܣܵܐ ܚܲܕ ܗܲܕܵܡܵܐ ܕܒܲܝܬܘܼܬܵܐ ܝܲܢ ܫܲܪܝܼܟܵܐ.
ܡܣܲܕܖ̈ܵܢܹܐ ܕܦܢܝܼܬܵܐ ܡܲܗܲܠܵܝܬܵܐ (LAC): ܐܲܢܹܐ ܝܼܢܵܐ ܫܘܼܬܐܵܣܹ̈ܐ ܕܫܲܪܝܼܟܵܐ ܕܟܢܘܼܫܬܵܐ ܕܟܹܐ ܦܵܠܚܝܼ ܥܲܡ NDIS ܩܵܐ ܕܗܲܝܸܪܝܼ ܡܛܵܝܬܵܐ ܕܐ݉ܢܵܫܹ̈ܐ، ܒܲܝܬܘܼܝܵܬܲܝ̈ܗܝ ܘܬܲܓܒܸܪܵܢܲܝ̈ܗܝ ܠ NDIS. ܡܣܲܕܖ̈ܵܢܹܐ ܕܦܢܝܼܬܵܘܟܼܘܿܢ ܡܲܗܲܠܵܝܬܵܐ ܒܸܕ ܗܲܝܸܪܝܼ ܐ݉ܢܵܫܹ̈ܐ ܕܫܵܩܠܝܼ ܙܘܼܙܹ̈ܐ ܡܼܢ NDIS ܘܟܵܬܒܼܝܼ ܚܘܼܛܵܛܲܝܗܝ. ܐܵܦ ܡܵܨܝܼ ܗܲܝܸܪܝܼ ܫܲܪܸܟܵܢܹ̈ܐ ܕܡܕܲܒܪܝܼ ܚܘܼܛܵܛܲܝ̈ܗܝ ܘܩܵܢܝܼ ܣܢܵܕܝܵܬܹ̈ܐ ܘܚܸܠܡܲܬܹ̈ܐ ܡܼܢ ܠܒܼܲܕܲܪ ܡܼܢ NDIS (ܚܸܠܡܲܬܹ̈ܐ ܖܹ̈ܫܵܝܹܐ ܘܣܢܵܕܝܵܬܹ̈ܐ ܡܲܗܲܠܵܝܹ̈ܐ ܕܓܵܘ ܟܢܘܼܫܬܵܐ).
ܚܸܠܡܲܬܹ̈ܐ ܖܹ̈ܫܵܝܹܐ: ܐܲܢܹܐ ܝܼܢܵܐ ܚܸܠܡܲܬܹ̈ܐ ܠܵܐ ـ ܕ NDIS ܡܘܼܘܸܠܹ̈ܐ ܒܫܘܼܠܛܵܢܵܐ ܘ \ ܝܲܢ ܡܘܼܡܛܸܝܹ̈ܐ ܕܦܝܼܫܹ̈ܐ ܝܢܵܐ ܡܘܼܦܠܸܚܹ̈ܐ ܒܟܠ ܚܲܕ ܦܲܪܨܘܿܦܵܐ. ܟܹܐ ܚܵܒܼܫܝܼ ܚܸܠܡܲܬܹ̈ܐ ܕܚܘܼܠܡܵܢܵܐ ܘ ܚܸܠܡܲܬܹ̈ܐ ܕܚܘܼܠܡܵܢܵܐ ܕܗܵܘܢܵܐ، ܘܚܸܠܡܲܬܹ̈ܐ ܕܢܩܝܼܠܘܼܬܵܐ ܥܲܡܡܵܝܬܵܐ، ܝܘܼܠܦܵܢܵܐ، ܩܢܵܝܬܵܐ ܕܒܲܝܬܵܐ ܘܡܲܦܠܲܚܬܵܐ.
ܫܘܼܩܵܐ: ܟܠܲܝܗܝ ܡܙܲܘܸܕܵܢܹ̈ܐ ܕܟܹܐ ܡܲܩܪܸܒܼܝܼ ܡܦܘܼܠܛܹ̈ܐ ܘܚܸܠܡܲܬܹ̈ܐ ܩܵܐ ܐ݉ܢܵܫܹ̈ܐ ܕܟܹܐ ܫܵܩܠܝܼ ܙܘܼܙܹ̈ܐ ܡܼܢ NDIS.
ܛܘܼܦ̮ܣܵܐ ܐܵܣܝܵܝܵܐ ܕܫܲܦܠܘܼܬܵܐ: ܛܘܼܦ̮ܣܵܐ ܐܵܣܝܵܝܵܐ ܕܫܲܦܠܘܼܬܵܐ ܒܹܐܡܵܪܵܐ ܝܠܹܗ ܕܐ݉ܢܵܫܹ̈ܐ ܐܝܼܬܠܗ݉ܘܿܢ ܫܲܦܠܘܼܬܵܐ ܒܙܲܒܘܿܢܘܼܬܲܝܗܝ ܝܲܢ ܦܘܼܪܫܘܼܢܝܲܝ̈ܗܝ.
ܚܘܼܠܡܵܢܵܐ ܕܗܵܘܢܵܐ: ܚܕܵܐ ܐܲܝܢܵܝܘܼܬܵܐ ܕܛܵܒܼܘܼܬܵܐ ܕܚܲܝܹ̈ܐ ܐܲܝܟܵܐ ܕܚܲܕ ܦܲܪܨܘܿܦܵܐ ܡܵܛܹܐ ܠܡܨܵܝܬܹܗ، ܡܵܨܹܗ ܚܲܝܹܐ ܥܲܡ ܥܝܼܩܘܼܝܵܬܹ̈ܐ ܕܚܲܝܹ̈ܐ، ܡܵܨܹܐ ܦܵܠܹܚ ܒܐܘܼܪܚܵܐ ܡܲܢܬܸܝܵܢܬܵܐ ܘܝܵܗܒܼܵܢܬܵܐ ܕܛܥܘܿܢܝܵܬܹ̈ܐ، ܘܡܵܨܝܵܢܵܐ ܝܠܹܗ ܕܝܵܗܒܼܸܠ ܩܵܐ ܟܢܘܼܫܬܹܗ.
ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ: ܐܵܗܵܐ ܚܲܒܪܵܐ ܟܹܐ ܡܫܲܡܸܗ ܚܲܕ ܡܸܬܚܵܐ ܪܘܝܼܚܵܐ ܕܢܝܼܫܲܢܩܹ̈ܐ ܕܡܲܚܙܸܝܝܼ ܡܲܪܥܵܐ ܕܗܵܘܢܵܐ ܐܸܢ ܦܝܼܫܵܐ ܝܠܹܗ ܡܥܘܼܝܸܢܵܐ ܝܲܢ ܠܵܐ. [5]
ܡܲܪܥܵܐ ܕܗܵܘܢܵܐ ــ ܡܲܪܥܵܐ ܕܗܵܘܢܵܐ ܝܼܠܹܗ ܚܲܕ ܡܲܪܥܵܐ ܕܦܵܐܹܫ ܡܥܘܼܝܸܢܵܐ ܕܒܡܲܥܒܕܵܢܘܼܬܵܐ ܟܹܐ ܥܵܒܼܹܪ ܓܵܘ ܡܨܵܝܵܬܹ̈ܐ ܣܘܼܟܵܠܵܝܹ̈ܐ، ܖ̈ܓܼܵܫܬܵܢܵܝܹܐ ܘ \ ܝܲܢ ܫܵܘܬܵܦܵܝܹ̈ܐ ܕܚܲܕ ܦܲܪܨܘܿܦܵܐ. [6] ܡܲܪܥܹ̈ܐ ܕܗܵܘܢܵܐ ܠܹܐ ܦܝܼܫܹ̈ܐ ܡܥܘܼܝܸܢܹ̈ܐ ܗܲܡܵܫܵܐ ܘܐ݉ܢܵܫܹ̈ܐ ܕܐܝܼܬܠܗ݉ܘܿܢ ܐܲܢܹܐ ܐܲܝܟܲܢܘܵܬܹ̈ܐ ܒܲܠܟܵܐ ܗܸܟ̰ ܠܵܐ
ܝܵܗܒܼܝܼ ܘܫܵܩܠܝܼ ܥܲܡ ܚܸܠܡܲܬܹ̈ܐ ܕܚܘܼܠܡܵܢܵܐ. ܠܹܐ ܝܢܵܐ ܟܠܲܝܗܝ ܡܲܪܥܹ̈ܐ ܕܗܵܘܢܵܐ ܣܲܒܵܒ ܕܙܲܒܘܿܢܘܼܬܵܐ. [7]
ܬܵܟܼܘܿܠܵܐ ܕܡܲܪܥܵܐ ܕܗܵܘܢܵܐ: ܚܲܕ ܦܲܪܨܘܿܦܵܐ ܥܲܡ ܢܸܣܝܵܢܵܐ ܚܸܝܵܐ ܕܡܲܪܥܵܐ ܕܗܵܘܢܵܐ ܝܲܢ ܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ (ܚܙܹܝܡܘܼܢ ܢܸܣܝܵܢܵܐ ܚܸܝܵܐ: lived experience) ܗܿܘ ܕܛܠܝܼܒܠܹܗ ܣܢܵܕܝܵܬܹ̈ܐ ܝܲܢ ܚܸܠܡܲܬܹ̈ܐ.
ܒܣܵܡܬܵܐ ܕܡܲܪܥܵܐ ܕܗܵܘܢܵܐ: ܒܣܵܡܬܵܐ ܕܡܲܪܥܵܐ ܕܗܵܘܢܵܐ ܝܼܠܵܗܿ ܚܕܵܐ ܥܲܡܠܝܼܬܵܐ ܦܲܪܨܘܿܦܵܝܬܵܐ، ܘܟܹܐ ܝܵܗܒܼܵܐ ܡܲܥܢܵܝ ܦܪܝܼܫܵܐ ܩܵܐ ܐ݉ܢܵܫܹ̈ܐ ܦܪܝܼܫܹ̈ܐ. ܒܣܵܡܬܵܐ ܝܼܠܵܗܿ ܒܘܼܬ ܚܲܕ ܦܲܪܨܘܿܦܵܐ ܗܵܘܹܐ ܡܵܨܝܵܢܵܐ ܕܒܵܪܹܐ ܘܚܵܝܹܐ ܚܲܝܹ̈ܐ ܕܐܝܼܬܠܗ݉ܘܿܢ ܡܲܥܢܵܝ ܘܫܲܪܸܟܵܢܹ̈ܐ ܓܵܘ ܟܢܘܼܫܬܵܐ ܕܦܵܪܹܫܠܵܗܿ ܥܲܡ ܝܲܢ ܕܠܵܐ ܗܕܝܼܪܘܼܬܵܐ ܕܨܒܼܘܼܝܵܬܹ̈ܐ ܕܡܲܪܥܵܐ ܕܗܵܘܢܵܐ. [8]
ܚܘܼܛܵܛܝܼ ܩܲܕ݉ܡܵܝܵܐ: ܚܘܼܛܵܛܵܐ ܩܲܕܡܵܝܵܐ ܕܫܲܪܸܟܵܢܵܐ ܩܵܢܹܐܠܹܗ ܥܲܡ NDIS، ܕܐܝܼܬܠܹܗ ܢܝܼܫܹ̈ܗ ܘܩܵܐ ܡܘܿܕܝܼ ܝܼܠܵܗܿ ܡܲܣܲܐܬܹܗ. ܐܵܗܵܐ ܚܘܼܛܵܛܵܐ ܟܹܐ ܓܵܪܹܫ ܚܕܵܐ ܫܲܢ݉ܬܵܐ ܐܸܠܵܐ ܐܸܢ ܚܲܕ ܡܸܢܕܝܼ ܫܘܼܚܠܸܦܠܹܗ.
NDIA ــ ܘܲܟܝܼܠܘܼܬܵܐ ܐܲܬܪܵܝܬܵܐ ܕܥܲܪܵܒܼܘܼܬܵܐ ܕܫܲܦܠܘܼܬܵܐ: ܫܘܼܬܐܵܣܵܐ ܕܫܘܼܠܛܵܢܵܐ ܕܟܘܿܡܘܿܢܘܸܠܬܼ ܕܡܲܪܚܘܼܛܹܐ ܝܠܹܗ ܘܬܲܡܘܼܡܹܐ ܠ NDIS.
NDIS ــ ܐܸܣܟܹܝܡܵܐ ܐܲܬܪܵܝܵܐ ܕܥܲܪܵܒܼܘܼܬܵܐ ܕܫܲܦܠܘܼܬܵܐ: ܐܵܗܵܐ ܝܼܠܹܗ ܬܘܼܪܵܨܵܐ ܐܲܝܢܝܼ ܕܝܼܠܹܗ ܚܕܵܐ ܐܘܼܪܚܵܐ ܚܲܕܬܵܐ ܕܣܢܵܕܬܵܐ ܕܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܘܒܲܝܬܘܼܝܵܬܲܝ̈ܗܝ.
ܝܲܗܠܵܐ ܐܲܬܪܵܝܵܐ ܕܡܛܵܝܬܵܐ: ܦܵܠܵܚܹ̈ܐ ܕ NDIA ܕܟܹܐ ܦܵܠܚܝܼ ܓܵܘ ܕܘܼܟܵܢܹ̈ܐ ܚܲܕܸܪܘܵܢܹܐ ܕܐܘܿܣܬܪܵܠܝܵܐ ܕܓܲܫܩܝܼ ܥܲܠ ܡܲܛܠܵܒܹ̈ܐ ܕܡܛܵܝܬܵܐ ܠ NDIS ܘܫܵܩܠܝܼ ܩܛܵܥܬܵܐ ܐܸܢ ܐ݉ܢܵܫܹ̈ܐ ܠܚܝܼܡܹ̈ܐ ܝܢܵܐ ܕܡܵܛܝܼ ܠ NDIS.
ܡܘܼܚܫܸܚܵܐ: ܚܲܕ ܦܲܪܨܘܿܦܵܐ ܕܡܵܨܹܐ ܫܵܩܹܠ ܦܘܼܣܩܵܢܹ̈ܐ ܩܵܐ ܚܲܕ ܦܲܪܨܘܿܦܵܐ ܕܣܢܝܼܩܵܐ ܝܠܹܗ ܠܗܲܝܲܪܬܵܐ ܒܲܦܪܵܫܬܵܐ، ܐܝܼܢܵܐ ܠܲܝܬܠܹܗ ܚܲܕ ܐܲܒܼܵܗܵܐ ܝܲܢ ܢܵܛܪܵܢܵܐ.
ܫܲܪܸܟܵܢܵܐ: ܚܲܕ ܦܲܪܨܘܿܦܵܐ ܕܐܝܼܬܠܹܗ ܫܲܦܠܘܼܬܵܐ ܕܟܹܐ ܫܵܩܹܠ ܣܢܵܕܬܵܐ ܙܘܼܙܵܢܵܝܬܵܐ ܕ NDIS ܟܲܕ ܬܘܼܡܸܡܵܐ ܝܠܹܗ ܠܡܲܛܠܵܒܹ̈ܐ ܕܠܚܝܼܡܘܼܬܵܐ. ܐܵܗܵܐ ܐܵܦ ܟܹܐ ܦܵܐܹܫ ܩܸܪܝܵܐ ܬܵܟܼܘܿܠܵܐ ܝܲܢ ܦܲܪܨܘܿܦܵܐ.
ܒܘܼܝܵܢܵܐ ܕܫܲܪܸܟܵܢܵܐ: ܡܵܘܕܥܵܢܘܵܬܹ̈ܐ ܒܘܼܬ ܡܲܪܝܲܙܝܵܬܹ̈ܐ، ܐܲܣܘܼܖܹ̈ܐ، ܣܢܵܕܝܵܬܹ̈ܐ ܕܚܲܝܘܼܬܵܐ، ܡܫܲܡܲܗܬܵܐ ܕܚܲܝܘܼܬܵܐ ܝܵܘܡܵܐ ܒܝܵܘܡܵܐ ܕܫܲܪܸܟܵܢܹ̈ܐ ܕ NDIS ܘܣܘܼܟܵܝܲܝ̈ܗܝ ܘܢܝܼܫܲܝ̈ܗܝ ܩܵܐ ܡܸܬܚܵܐ ܟܸܪܝܵܐ ܘܡܸܬܚܵܐ ܝܲܪܝܼܟܼܵܐ ܕܥܸܕܵܢܵܐ.
ܫܲܪܲܟܬܵܐ: ܫܲܪܲܟܬܵܐ ܕܚܲܕ ܦܲܪܨܘܿܦܵܐ ܓܵܘ ܚܕܵܐ ܐܲܝܢܵܝܘܼܬܵܐ ܕܚܲܝܹ̈ܐ. ܟܹܐ ܡܲܚܙܹܐ ܓܲܫܲܩܬܵܐ ܟܢܘܼܫܬܵܢܵܝܬܵܐ ܕܥܒܼܵܕܵܐ.
ܩܲܝܲܨܝܵܬܹ̈ܐ ܕܫܲܪܲܟܬܵܐ: ܩܸܛܪܹ̈ܐ ܕܚܲܕ ܦܲܪܨܘܿܦܵܐ ܒܲܠܟܵܐ ܥܵܒܼܹܪ ܓܵܘܲܝܗܝ ܒܫܲܪܲܟܬܹܗ ܓܵܘ ܐܲܝܢܵܘܵܬܹ̈ܐ ܕܚܲܝܹ̈ܐ. ܩܸܛܥܝܹ̈ܐ ܒܦܲܚܲܡܬܵܐ ܕܫܲܪܲܟܬܵܐ ܕܚܲܕ ܦܲܪܨܘܿܦܵܐ ܥܲܡ ܡܸܢܕܝܼ ܕܦܝܼܫܵܐ ܝܠܹܗ ܣܒܝܼܪܵܐ ܡܼܢ ܚܲܕ ܐ݉ܢܵܫܵܐ ܕܠܲܝܬܠܹܗ ܫܲܦܠܘܼܬܵܐ ܓܵܘ ܗܿܝ ܡܲܪܕܘܼܬܵܐ ܝܲܢ ܫܵܘܬܵܦܘܼܬܵܐ.
ܐܲܡܝܼܢܵܝܬܵܐ: ܐܵܗܵܐ ܝܼܠܹܗ ܐܝܼܡܵܢ ܕܚܲܕ ܡܸܢܕܝܼ ܠܵܐ ܦܵܪܹܩ، ܘܒܸܕ ܗܵܘܹܐ ܩܵܐ ܟܠܹܗ ܚܲܝܘܼܬܵܐ. ܩܵܐ ܕܗܵܘܝܼܬܘܿܢ ܠܚܝܼܡܹ̈ܐ ܩܵܐ NDIS، ܓܵܪܸܓ ܗܵܘܹܐ ܠܵܘܟܼܘܿܢ ܚܕܵܐ ܐܲܝܟܲܢܵܝܘܼܬܵܐ ܝܲܢ ܙܲܒܘܿܢܘܼܬܵܐ ܐܲܡܝܼܢܵܝܬܵܐ، ܝܲܢ ܒܲܠܟܵܐ ܒܸܕ ܗܵܘܝܵܐ ܐܲܡܝܼܢܵܝܬܵܐ (ܐܵܦ ܚܙܹܝܡܘܼܢ ܓܸܕܫܵܢܵܝܵܐ: Episodic).
ܦܲܪܨܘܿܦܵܐ ܕܐܝܼܬܠܹܗ ܫܲܦܠܘܼܬܵܐ: ܐܵܗܵܐ ܝܼܠܹܗ ܚܲܕ ܦܲܪܨܘܿܦܵܐ ܕܐܝܼܬܠܹܗ ܙܲܒܘܿܢܘܼܝܵܬܹ̈ܐ ܝܲܢ ܝܼܠܹܗ ܬܘܼܚܸܡܵܐ ܒܥܵܒܼܘܿܕܘܵܬܹ̈ܐ ܕܡܵܨܹܐ ܥܵܒܼܸܕܠܗ݉ܘܿܢ ܘܣܢܝܼܩܵܐ ܝܠܹܗ ܠܗܲܝܲܪܬܵܐ ܕܥܵܒܼܹܕ ܡܸܢܕܝܵܢܹ̈ܐ ܐܲܝܟܼ:
ܚܘܼܛܵܛܵܐ: ܟܠ ܚܲܕ ܕܝܼܠܹܗ ܣܵܡܵܐ ܡܼܢ NDIS ܐܝܼܬܠܹܗ ܚܘܼܛܵܛܵܐ ܠܚܘܿܕܵܝܵܐ ܕܓܵܢܹܗ. ܚܘܼܛܵܛܵܐ ܕܫܲܪܸܟܵܢܵܐ ܒܸܕ ܦܵܐܹܫ ܟܬܝܼܒܼܵܐ ܥܲܡ ܡܣܲܕܪܵܢܵܐ ܕܚܘܼܛܵܛܵܐ ܕ NDIS. ܚܲܕ ܚܘܼܛܵܛܵܐ ܒܸܕ ܡܫܲܡܸܗ ܣܢܝܼܩܘܼܝܵܬܹ̈ܐ ܘܢܝܼܫܹ̈ܐ ܕܦܲܪܨܘܿܦܵܐ، ܘܙܘܼܙܹ̈ܐ ܘܣܢܵܕܝܵܬܹ̈ܐ ܕ NDIS ܒܸܕ ܝܵܗܒܼܵܐ ܠܗ݉ܘܿܢ ܩܵܐ ܗܲܝܲܪܬܵܐ ܕܬܲܡܲܡܬܵܐ ܕܐܲܢܹܐ ܢܝܼܫܹ̈ܐ.
ܡܕܲܒܪܵܢܵܐ ܕܚܘܼܛܵܛܵܐ: ܦܲܪܨܘܿܦܵܐ ܝܲܢ ܫܘܼܬܐܵܣܵܐ ܕܟܹܐ ܡܕܲܒܸܪ ܙܘܼܙܹ̈ܐ ܕ NDIS، ܩܵܐ ܣܢܵܕܬܵܐ ܓܵܘ ܚܘܼܛܵܛܵܐ ܕܣܢܵܕܬܵܐ ܕܦܲܪܨܘܿܦܵܐ. ܐܵܗܵܐ ܟܹܐ ܚܵܒܼܹܫ ܡܸܢܕܝܵܢܹ̈ܐ ܐܲܝܟܼ ܦܪܵܥܬܵܐ ܕܘܲܖ̈ܵܩܹܐ ܕܛܝܼܡܵܐ ܕܡܸܢܕܝܵܢܹ̈ܐ ܕܡܙܲܘܸܕܵܢܵܐ، ܥܒܼܵܕܬܵܐ ܕܡܩܲܛܪܵܢܘܵܬܹ̈ܐ ܕܚܸܠܡܲܬ ܥܲܡ ܡܙܲܘܸܕܵܢܹ̈ܐ، ܩܛܵܪܬܵܐ ܘܦܪܵܥܬܵܐ ܕܡܲܩܪܸܒܼܵܢܹ̈ܐ، ܘܗܲܕܲܪܬܵܐ ܕܐܲܢܦܘܼܖܹ̈ܐ ܝܲܪܚܵܝܹ̈ܐ ܒܘܼܬ ܕܵܐܟܼܝܼ ܝܢܵܐ ܙܘܼܙܹ̈ܐ ܦܝܼܫܹ̈ܐ ܡܘܼܦܠܸܚܹ̈ܐ.
ܬܢܵܝܬܵܐ ܕܓܲܫܲܩܬܵܐ ܥܲܠ ܚܘܼܛܵܛܵܐ: ܐܵܗܵܐ ܝܼܠܹܗ ܐܝܼܡܵܢ ܕܓܲܫܩܝܼܬܘܿܢ ܚܕܵܐ ܓܵܗܵܐ ܐ݉ܚܹܪ݉ܬܵܐ ܥܲܠ ܚܘܼܛܵܛܵܘܟܼܘܿܢ ܥܲܡ NDIS ܘܚܵܙܝܼܬܘܿܢ ܐܸܢ ܐܝܼܬ ܣܢܝܼܩܘܼܬܵܐ ܕܦܵܐܹܫ ܫܘܼܚܠܸܦܵܐ. ܚܘܼܛܵܛܵܐ ܕܟܠ ܚܲܕ ܦܲܪܨܘܿܦܵܐ ܟܹܐ ܦܵܝܫܵܐ ܬܢܝܼܬܵܐ ܓܲܫܲܩܬܵܐ ܥܲܠܹܗ ܒܵܨܘܿܪܵܐ ܟܠ 12 ܝܲܪܚܹ̈ܐ. ܐܵܦ ܡܵܨܝܼܬܘܿܢ ܕܛܵܠܒܝܼܬܘܿܢ ܬܢܝܵܬܵܐ ܕܓܲܫܲܩܬܵܐ ܥܲܠ ܚܘܼܛܵܛܵܘܟܼܘܿܢ ܐܸܢ ܐܲܗܘܵܠܵܘܟܼܘܿܢ ܫܘܼܚܠܸܦܠܗ݉ܘܿܢ.
ܡܙܲܘܸܕܵܢܵܐ: ܚܲܕ ܦܲܪܨܘܿܦܵܐ ܕܡܲܪܚܸܛ ܚܕܵܐ ܚܸܠܡܲܬ ܝܲܢ ܐܝܼܬܠܹܗ ܡܸܢܕܝܵܢܹ̈ܐ ܠܙܲܒܘܼܢܹܐ ܩܵܐ ܐ݉ܢܵܫܹ̈ܐ ܕܒܸܫܩܵܠܵܐ ܝܢܵܐ ܣܢܵܕܬܵܐ ܙܘܼܙܵܢܵܝܬܵܐ ܡܼܢ NDIS. ܐ݉ܢܵܫܹ̈ܐ ܡܵܨܝܼ ܦܵܪܫܝܼ ܡܙܲܘܸܕܵܢܹ̈ܐ ܕܒܵܥܝܼܠܗ݉ܘܿܢ ܘܫܲܚܠܸܦܝܼ ܠܡܙܲܘܸܕܵܢܹ̈ܐ ܐܸܢ ܠܹܐ ܝܢܵܐ ܚܸܕܝܹ̈ܐ ܡܸܢܲܝܗܝ ــ ܐܵܗܵܐ ܝܼܠܵܗܿ ܦܪܵܫܬܵܐ ܘܙܲܒܛܲܢܬܵܐ. NDIS ܐܝܼܬܠܵܗܿ ܣܸܕܪܵܐ ܕܡܙܲܘܸܕܵܢܹ̈ܐ ܡܣܲܓܼܠܹ̈ܐ، ܐܝܼܢܵܐ ܡܙܲܘܸܕܵܢܹ̈ܐ ܠܹܐ ܝܢܵܐ ܣܢܝܼܩܹ̈ܐ ܕܗܵܘܝܼ ܡܣܲܓܼܠܹ̈ܐ ܐܸܢ ܐܲܚܬܘܿܢ ܒܓܵܢܵܘܟܼܘܿܢ ܡܕܲܒܪܝܼܬܘܿܢ ܚܲܕ ܣܵܡܵܐ ܝܲܢ ܟܠܹܗ ܣܵܡܹ̈ܐ ܕܙܘܼܙܵܘܟܼ̈ܘܿܢ.
ܫܲܦܠܘܼܬܵܐ ܢܲܦ̮ܫܵܝܬܵܐ ܫܵܘܬܵܦܵܝܬܵܐ: ܐܵܗܵܐ ܝܼܠܵܗܿ ܒܘܼܬ ܦܠܵܛܹ̈ܐ ܫܵܘܬܵܦܵܝܹ̈ܐ ܘܐܸܩܘܿܢܘܿܡܸܝܵܝܹ̈ܐ ܕܐܝܼܬܠܗ݉ܘܿܢ ܐܲܣܘܼܪܵܐ ܒܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ. ܟܹܐ ܦܵܝܫܵܐ ܡܘܼܦܠܸܚܬܵܐ ܠܡܫܲܡܘܼܗܹܐ ܟܘܼܬܵܫܹ̈ܐ، ܝܲܢ ܬܸܚܘܼܡܹ̈ܐ ܢܸܣܝܵܢܹ̈ܐ ܕ̣ܚܲܕ ܦܲܪܨܘܿܦܵܐ ܓܵܘ ܚܲܝܹ̈ܐ ܕܐܝܼܬܠܗ݉ܘܿܢ ܐܲܣܘܼܪܵܐ ܒܐܲܝܟܲܢܵܝܘܼܬܲܝܗܝ ܕܚܘܼܠܡܵܢܵܐ ܕܗܵܘܢܵܐ. ܟܹܐ ܚܵܙܝܵܐ ܐܲܢܹܐ ܟܘܼܬܵܫܹ̈ܐ ܘܬܸܚܘܼܡܹ̈ܐ، ܝܲܢ ܙܲܒܘܿܢܘܼܝܵܬܹ̈ܐ، ܐܲܝܟܼ ܫܲܦܠܘܼܝܵܬܹ̈ܐ ܕܡܵܨܝܼ ܗܵܘܹܐ ܠܗ݉ܘܿܢ ܡܲܥܒܕܵܢܘܼܬܵܐ ܥܲܠ ܡܨܵܝܬܵܐ ܕܦܲܪܨܘܿܦܵܐ ܩܵܐ ܕܫܲܪܸܟ ܒܟܵܡܝܼܠܘܼܬܵܐ ܓܵܘ ܚܲܝܹ̈ܐ.
ܡܸܬܩܲܒܠܵܢܹ̈ܐ ܘܐܵܢܲܢܩܵܝܹ̈ܐ: ܡܸܬܩܲܒܠܵܢܹ̈ܐ ܝܲܥܢܹܐ ܝܼܢܵܐ ܟܹܐܢܹ̈ܐ. ܐܵܢܲܢܩܵܝܹ̈ܐ ܝܲܥܢܹܐ ܐܲܚܬܘܿܢ ܒܫܲܪܝܼܪܘܼܬܵܐ ܣܢܝܼܩܹ̈ܐ ܝܬܘܿܢ ܥܲܠܲܝܗܝ. NDIS ܒܸܕ ܝܵܗܒܼܵܐ ܙܘܼܙܹ̈ܐ ܩܵܐ ܡܸܢܕܝܵܢܹ̈ܐ ܕܝܼܢܵܐ ܟܹܐܢܹ̈ܐ ܘܲܕܒܫܲܪܝܼܪܘܼܬܵܐ ܣܢܝܼܩܹ̈ܐ ܝܬܘܿܢ ܥܲܠܲܝܗܝ ܕܚܵܝܝܼܬܘܿܢ ܚܲܝܹ̈ܐ ܒܲܣܝܼܡܹ̈ܐ ܕܲܠܩܘܼܒܼܠ ܕܟܘܼܬܵܫܹ̈ܐ ܕܫܲܦܠܘܼܬܵܘܟܼܘܿܢ.
ܒܣܵܡܬܵܐ: ܚܙܹܝܡܘܼܢ ܒܣܵܡܬܵܐ ܕܚܘܼܠܡܵܢܵܐ ܕܗܵܘܢܵܐ.
ܩܲܛܵܥܵܐ: ܒܸܣܢܝܼܣܹ̈ܐ ܘܫܘܼܬܐܵܣܹ̈ܐ ܕܟܹܐ ܡܲܩܪܸܒܼܝܼ ܚܸܠܡܲܬܹ̈ܐ ܩܵܐ ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ، ܘܩܵܐ ܝܲܗܠܹ̈ܐ ܕܐ݉ܢܵܫܹ̈ܐ ܕܟܹܐ ܗܲܡܙܸܡܝܼ ܒܫܵܘܦܵܐ ܕܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ.
ܡܕܲܒܲܪܬܵܐ ܕܓܵܢܵܐ (ܣܢܵܕܬܵܐ ܙܘܼܙܵܢܵܝܬܵܐ): ܐܝܼܡܵܢ ܕܚܲܕ ܦܲܪܨܘܿܦܵܐ ܡܵܨܹܐ ܡܕܲܒܸܪ ܙܘܼܙܹ̈ܗ ܕ NDIS ܘܦܵܪܹܥ ܠܡܙܲܘܸܕܵܢܹ̈ܐ ܚܲܕܪܹܫܵܐ ܝܲܢ ܒܐܘܼܪܚܵܐ ܕܡܕܲܒܪܵܢܵܐ ܕܚܘܼܛܵܛܵܐ. ܚܲܕ ܦܲܪܨܘܿܦܵܐ ܡܵܨܹܐ ܡܕܲܒܸܪ ܟܠܲܝܗܝ ܙܘܼܙܹ̈ܗ ܕ NDIS ܝܲܢ ܚܲܕ ܣܵܡܵܐ ܡܸܢܲܝܗܝ.
ܡܕܲܒܲܪܬܵܐ ܕܓܵܢܵܐ (ܡܲܣܲܡܬܵܐ ܕܒܵܠܵܐ ܥܲܠ ܓܵܢܵܘܟܼܘܿܢ): ܟܡܵܝܘܼܬܵܐ ܕܗܲܝܲܪܬܵܐ ܕܣܢܝܼܩܵܐ ܝܠܹܗ ܚܲܕ ܦܲܪܨܘܿܦܵܐ ܥܲܠܘܿܗܿ ܕܥܵܒܼܹܕ ܡܸܢܕܝܵܢܹ̈ܐ ܝܵܘܡܵܐ ܒܝܵܘܡܵܐ، ܫܩܵܠܬܵܐ ܕܦܘܼܣܩܵܢܹ̈ܐ ܘܫܪܵܝܬܵܐ ܕܩܸܛܪܹ̈ܐ ܘܡܲܣܲܡܬܵܐ ܕܒܵܠܵܐ ܥܲܠ ܙܘܼܙܹܗ (ܐܵܦ ܚܙܹܝܡܘܼܢ ܡܕܲܒܪܵܢܵܐ ܕܚܘܼܛܵܛܵܐ ܘܡܣܲܕܪܵܢܘܼܬܵܐ ܕܣܢܵܕܝܵܬܹ̈ܐ).
ܣܲܙܓܵܪܘܼܬܵܐ ܕܚܸܠܡܲܬ: ܚܕܵܐ ܐܲܒܙܵܪܵܐ (ܘܲܪܵܩܵܐ ܪܘܼܫܡܵܝܵܐ) ܕܡܲܢܗܸܪ ܡܘܼܕܝ݉ ܣܢܵܕܝܵܬܹ̈ܐ ܡܙܲܘܸܕܵܢܵܐ ܒܸܕ ܝܵܗܹܒܼܠܵܘܟܼܘܿܢ، ܕܵܐܟܼܝܼ ܒܸܕ ܦܵܪܥܝܼܬܘܿܢ ܠܗ݉ܘܿܢ، ܕܵܐܟܼܝܼ ܩܸܛܪܹ̈ܐ ܒܸܕ ܦܵܝܫܝܼ ܕܖ̈ܝܼܫܹܐ ܘܡܘܿܕܝܼ ܓܵܪܸܓ ܥܵܒܼܕܝܼܬܘܿܢ ܐܸܢ ܒܵܥܝܼܬܘܿܢ ܫܲܚܠܸܦܝܼܬܘܿܢ ܠܗ݉ܘܿܢ ܚܸܠܡܲܬܹ̈ܐ.
ܡܙܲܘܸܕܵܢܵܐ ܕܚܸܠܡܲܬ: ܚܙܹܝܡܘܼܢ ’ܡܙܲܘܸܕܵܢܵܐ ‘.
ܚܒܼܵܫܬܵܐ ܫܵܘܬܵܦܵܝܬܵܐ: ܚܒܼܵܫܬܵܐ ܫܵܘܬܵܦܵܝܬܵܐ ܝܼܠܹܗ ܒܘܼܬ ܗܵܘܝܼܬܘܿܢ ܡܵܨܝܵܢܹ̈ܐ ܕܫܵܘܬܸܦܝܼܬܘܿܢ ܘܫܲܪܸܟܝܼܬܘܿܢ ܓܵܘ ܟܠܲܝܗܝ ܓܹܒܵܢܹ̈ܐ ܕܫܵܘܬܵܦܘܼܬܵܐ ܕܫܲܪܝܼܪܵܐܝܼܬ ܟܹܐ ܚܵܒܼܫܝܼ ܐ݉ܢܵܫܹ̈ܐ ܕܟܹܐ ܚܵܝܝܼ ܒܫܲܦܠܘܼܬܵܐ، ܕܟܹܐ ܣܵܢܕܵܐ، ܥܵܒܼܪܵܐ ܓܵܘ ܘܡܲܟܠܝܵܐ ܠܩܲܘܲܡܝܵܬܹ̈ܐ، ܘܲܕܠܹܐ ܡܲܬܒܼܵܐ ܦܘܼܪܫܘܼܢܝܵܐ ܝܲܢ ܠܲܟܵܐ ܥܲܠ ܚܲܕ ܦܲܪܨܘܿܦܵܐ. [9]
ܛܘܼܦ̮ܣܵܐ ܫܵܘܬܵܦܵܝܵܐ ܕܫܲܦܠܘܼܬܵܐ: ܛܘܼܦ̮ܣܵܐ ܫܵܘܬܵܦܵܝܵܐ ܕܫܲܦܠܘܼܬܵܐ ܒܹܐܡܵܪܵܐ ܝܠܹܗ ܕܫܲܦܠܘܼܬܵܐ ܣܲܒܵܒܘܿܗܿ ܝܼܠܹܗ ܐܘܼܪܚܵܐ ܕܕܵܐܟܼܝܼ ܫܵܘܬܵܦܘܼܬܵܐ ܦܝܼܫܬܵܐ ܝܠܵܗܿ ܡܘܼܪܝܸܙܬܵܐ، ܡܼܢ ܓܹܢ݉ܒܵܐ ܕܙܲܒܘܿܢܘܼܬܵܐ ܝܲܢ ܦܘܼܪܫܘܼܢܝܵܐ ܕܚܲܕ ܦܲܪܨܘܿܦܵܐ. ܟܹܐ ܓܲܫܸܩ ܥܲܠ ܐܘܼܖ̈ܚܵܬܹܐ ܕܡܲܫܩܲܠܬܵܐ ܕܬܘܼܖ̈ܩܵܠܹܐ ܕܟܹܐ ܩܲܝܸܕܝܼ ܦܪܵܫܝܵܬܹ̈ܐ ܕܚܲܝܹ̈ܐ ܩܵܐ ܐ݉ܢܵܫܹ̈ܐ ܕܐܝܼܬܠܗܘܿܢ ܫܲܦܠܘܼܬܵܐ.
ܡܙܲܘܸܕܵܢܵܐ: ܚܲܕ ܦܲܪܨܘܿܦܵܐ ܕܟܹܐ ܡܙܲܘܷܕ ܡܸܢܕܝܵܢܹ̈ܐ ܩܵܐ ܣܢܵܕܬܵܐ ܕܫܲܪܸܟܵܢܹ̈ܐ، ܩܵܐ ܛܘܼܦ̮ܣܵܐ، ܐܲܣܵܢܹ̈ܐ.
ܣܢܵܕܝܵܬܹ̈ܐ: ܡܸܢܕܝܵܢܹ̈ܐ ܕܟܹܐ ܗܲܝܸܪܝܼ ܣܢܝܼܩܘܼܝܵܬܹ̈ܐ ܕܦܲܪܨܘܿܦܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܩܵܐ ܕܬܲܡܸܡܝܼ ܠܥܵܒܼܘܿܕܘܵܬܲܝ̈ܗܝ ܝܵܘܡܵܐ ܒܝܵܘܡܵܐ، ܩܵܐ ܕܗܵܘܝܼ ܣܲܗ݉ܡܵܐ ܡܼܢ ܟܢܘܼܫܬܵܐ ܘܲܕܡܵܛܝܼ ܠܢܝܼܫܲܝ̈ܗܝ (ܐܵܗܵܐ ܡܵܨܹܐ ܗܵܘܹܐ ܣܢܵܕܬܵܐ ܕܐ݉ܢܵܫܹ̈ܐ ܝܲܢ ܡܸܢܕܝܵܢܹ̈ܐ ܕܟܹܐ ܗܲܝܸܪܝܼ ܩܵܐ ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܕܥܵܒܼܕܝܼ ܡܸܢܕܝܵܢܹ̈ܐ ܝܵܘܡܵܐ ܒܝܵܘܡܵܐ
ܦܸܨܠܹ̈ܐ ܕܣܢܵܕܬܵܐ:
ܣܢܵܕܬܵܐ ܙܘܼܙܵܢܵܝܬܵܐ (ܡܲܘܲܠܬܵܐ) ܓܵܘ ܚܘܼܛܵܛܵܘܟܼܘܿܢ ܕ NDIS ܦܘܼܠܸܓܼܬܵܐ ܝܠܵܗܿ ܠܬܠܵܐ ܦܸܨܠܹ̈ܐ ܕܣܢܵܕܝܵܬܹ̈ܐ:
ܥܲܓ̰ܲܙܬܵܐ: ܢܸܣܝܵܢܵܐ ܪܓܼܘܼܫܬܵܢܵܝܵܐ ܡܲܥܝܸܩܵܢܵܐ ܕܡܵܨܹܐ ܡܲܒܪܹܐ ܚܘܼܙܕܵܓܵܐ ܓܘܼܒܼܪܵܐ ܘܦܵܝܫܵܢܵܐ ܥܲܠ ܓܲܪܒܼܲܣܬܵܐ ܗܵܘܢܵܝܬܵܐ، ܦܲܓܼܪܵܢܵܝܬܵܐ ܘܲܪܓܼܘܼܫܬܵܢܵܝܬܵܐ ܕܚܲܕ ܦܲܪܨܘܿܦܵܐ ܘܒܲܠܟܵܐ ܡܲܡܛܹܐ ܠܐܲܝܟܲܢܘܵܬܹ̈ܐ ܕܚܘܼܠܡܵܢܵܐ ܕܗܵܘܢܵܐ ܕܒܵܪܝܼ ܥܲܡ ܚܕܵܕܹ̈ܐ.
ܥܲܓ̰ܲܙܬܵܐ ܡܘܼܕܸܥܬܵܐ: ܩܵܐ ܕܚܵܫܒܸܢܵܐ ܝܕܵܥܬܵܐ ܒܘܼܬ ܥܲܓ̰ܲܙܬܵܐ ــ ܡܲܥܒܕܵܢܘܼܬܘܿܗܿ، ܓ̰ܘܵܓ̰ܬܵܐ ܦܲܪܨܘܿܦܵܝܬܵܐ ܓܵܘܵܢܵܝܬܵܐ، ܘܐܘܼܖ̈ܚܵܬܹ̈ܐ ܕܒܣܵܡܬܵܐ ــ ܘܡܲܥܒܼܲܪܬܵܐ ܕܐܵܗܵܐ ܝܕܵܥܬܵܐ ܓܵܘ ܟܠܲܝܗܝ ܓܹܢ݉ܒܵܢܹ̈ܐ ܕܡܲܩܪܲܒܼܬܵܐ ܕܚܸܠܡܲܬ.
ܛܵܒܼܘܼܬܵܐ ܕܚܲܝܹ̈ܐ: ܐܲܝܢܵܝܘܼܬܵܐ ܕܗܘܵܝܬܵܐ ܪܵܗܲܬ، ܚܘܼܠܡܵܢܵܝܹ̈ܐ ܝܲܢ ܚܸܕܝܹ̈ܐ ــ ܪܓܼܵܫܬܵܐ ܕܡܵܨܝܼܬܘܿܢ ܡܵܛܝܼܬܘܿܢ ܠܡܨܵܝܵܬܵܘܟܼܘܿܢ ܟܡܝܼܢܹ̈ܐ، ܡܕܲܒܲܪܬܵܐ ܕܝܘܼܩܪܹ̈ܐ ܕܚܲܝܹ̈ܐ ܘܫܲܪܲܟܬܵܐ ܓܵܘ ܟܢܘܼܫܬܵܘܟܼܘܿܢ.
ܚܲܝܠܵܐ ܕܦܘܼܠܚܵܢܵܐ: ܐ݉ܢܵܫܹ̈ܐ ܕܟܹܐ ܦܵܠܚܝܼ ܥܲܡ ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ.
ܡܲܒܘܼܥܹ̈ܐ
ܣܵܡܵܐ ܙܵܘܕܵܐ ܕܬܘܼܚܵܡܹ̈ܐ ܦܝܼܫܹ̈ܐ ܝܢܵܐ ܫܩܝܼܠܹ̈ܐ ܝܲܢ ܡܫܘܼܚܠܸܦܹ̈ܐ ܡܼܢ ܚܲܫܚܵܬܹ̈ܐ ܕ NDIS Glossary/Easy English Glossary ܐܸܢ ܠܹܐ ܝܢܵܐ ܦܝܼܫܹ̈ܐ ܡܘܼܕܸܥܹ̈ܐ.[1] Definition from ACE DisAbility Network ‘Inclusion in the Community’ http://www.acedisability.org.au/information-for-providers/inclusion-in-the-community.php). Accessed 14 June 2017.
[2] World Health Organisation, 2002, Towards a common language for Functioning Disability and Health ICF, WHO, Geneva
[3] National Mental Health Consumer & Carer Forum, 2011, Unravelling Psychosocial Disability, A Position Statement by the National Mental Health Consumer & Carer Forum on Psychosocial Disability Associated with Mental Health Conditions, Canberra, p.5, accessed at https://nmhccf.org.au/sites/default/files/docs/nmhccf_psychosocial_disability_booklet_web_version_27oct11.pdf, on the 14 June 2017.
[4] National Mental Health Commission, 2014, National Contributing Life Survey Project, 2014, http://www.mentalhealthcommission.gov.au/our-work/national-contributing-life-survey-project.aspx, accessed on 14 June 2017.
[5] National Mental Health Consumer & Carer Forum, 2011, Unravelling Psychosocial Disability, A Position Statement by the National Mental Health Consumer & Carer Forum on Psychosocial Disability Associated with Mental Health Conditions, Canberra, p.6, accessed at https://nmhccf.org.au/sites/default/files/docs/nmhccf_psychosocial_disability_booklet_web_version_27oct11.pdf, on the 14 June 2017.
[6] Commonwealth Department of Health and Aged Care, 2000, National Action Plan for Promotion, Prevention and Early Intervention for Mental Health, Mental Health and Special Programs Branch, Commonwealth Department of Health and Aged Care, Canberra.
[7] National Mental Health Consumer & Carer Forum, 2011, Unravelling Psychosocial Disability, A Position Statement by the National Mental Health Consumer & Carer Forum on Psychosocial Disability Associated with Mental Health Conditions, Canberra, p.6, accessed at https://nmhccf.org.au/sites/default/files/docs/nmhccf_psychosocial_disability_booklet_web_version_27oct11.pdf, on the 14 June 2017.
[8]Australian Health Minters’ Advisory Council, A National Framework for Recovery-Orientated Mental Health Services, Commonwealth of Australia, Australia, 2013, p.1,, accessed at http://www.health.gov.au/internet/main/publishing.nsf/content/67d17065514cf8e8ca257c1d00017a90/$file/recovgde.pdf, on the 14 June 2017.
[9] Mental Health Coordinating Council, 2011, information on social inclusion, accessed from the MHCC website, http://www.mhcc.org.au/ resources/social-inclusion.aspx, on 29 March 2011
ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ
ܡܘܼܘܸܠܵܐ ܒܝܲܕ
