ܦܵܣܘܿܥܬܵܐ 4 – ܢܲܨܝܼܗܲܬܹ̈ܐ: ܐܝܼܡܵܢ ܕܠܵܐ ܗܵܘܝܵܐ ܫܲܦܠܘܼܬܵܐ ܢܲܦ̮ܫܵܝܬܵܐ ܫܵܘܬܵܦܵܝܬܵܐ ܫܲܦܠܘܼܬܵܘܟܼܘܿܢ’ܩܲܕ݉ܡܵܝܬܵܐ‘

ܩܵܐ ܕܡܵܛܝܼܬܘܿܢ ܠ NDIS، ܓܵܪܸܓ ܗܵܘܹܐ ܠܵܘܟܼܘܿܢ ܫܲܦܠܘܼܬܵܐ ܒܣܲܒܵܒ ܕܲܚܕܵܐ ܝܲܢ ܙܵܘܕܵܐ ܡܼܢ ܚܕܵܐ ܙܲܒܘܿܢܘܼܬܵܐ ܗܵܘܢܵܝܬܵܐ، ܣܘܼܟܵܠܵܝܬܵܐ، ܓܝܵܕܵܝܬܵܐ (ܢܸܪܒܼܵܝܬܵܐ)، ܪܓܼܵܫܬܵܢܵܝܬܵܐ ܝܲܢ ܦܲܓܼܪܵܢܵܝܬܵܐ، ܝܲܢ ܕܲܚܕܵܐ ܝܲܢ ܙܵܘܕܵܐ ܡܼܢ ܚܕܵܐ ܙܲܒܘܿܢܘܼܬܵܐ ܒܣܲܒܵܒ ܕܐܲܝܟܲܢܵܝܘܼܬܵܐ ܕܚܘܼܠܡܵܢܵܐ ܕܗܵܘܢܵܐ. 

ܐܸܢ ܟܹܐ ܚܵܝܝܼܬܘܿܢ ܥܲܡ ܪܵܒܵܐ ܫܲܦܠܘܼܝܵܬܹ̈ܐ، NDIS ܒܸܕ ܓܲܫܸܩ ܥܲܠ ܟܠܲܝܗܝ ܐܲܢܹܐ ܥܲܡ ܚܕܵܕܹ̈ܐ ܐܝܼܡܵܢ ܕܫܵܩܹܠ ܦܘܼܣܩܵܢܵܐ ܒܘܼܬ ܐܸܢ ܬܲܡܘܼܡܹܐ ܝܬܘܿܢ ܠܡܲܛܠܵܒܵܐ ܕܫܲܦܠܘܼܬܵܐ.

ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܐܵܕܫܹ̈ܐ ܐ݉ܚܹܪ݉ܢܹ̈ܐ ܕܫܲܦܠܘܼܬܵܐ ܒܘܼܫ ܡܸܬܗܵܘܝܵܢܬܵܐ ܝܠܵܗܿ ܕܥܵܒܼܪܝܼ ܓܵܘ ܢܸܣܝܵܢܵܐ ܕܫܲܦܠܘܼܬܵܐ ܢܲܦ̮ܫܵܝܬܵܐ ܫܵܘܬܵܦܵܝܬܵܐ ܡܼܢ ܐ݉ܢܵܫܹ̈ܐ ܥܝܵܕܵܝܹ̈ܐ. ܝܲܕܲܥܬܵܐ ܘܥܸܢܝܵܢܵܐ ܠܐܵܗܵܐ ܒܲܠܟܵܐ ܗܵܘܹܐ ܒܘܼܫ ܩܛܝܼܪܵܐ.

ܐܸܢ ܐܝܼܬܠܵܘܟܼܘܿܢ ܙܲܒܘܿܢܘܼܝܵܬܹ̈ܐ ܒܣܲܒܵܒ ܙܵܘܕܵܐ ܡܼܢ ܚܕܵܐ ܫܲܦܠܘܼܬܵܐ، ܗܲܠܵܐ ܓܵܪܸܓ ܡܲܚܙܝܼܬܘܿܢ ܡܲܥܒܕܵܢܘܼܬܵܐ (ܟܵܐܪ) ܕܟܠ ܚܕܵܐ ܡܸܢܲܝܗܝ ܥܲܠ ܚܲܝܘܼܬܵܘܟܼܘܿܢ ܝܵܘܡܵܐ ܒܝܵܘܡܵܐ. ܐܲܝܟܼ ܓܵܘ:

  • ܓ̰ܘܲܓ̰ܬܵܐ \ ܡܗܝܼܪܘܼܝܵܬܹ̈ܐ ܕܡܲܓ̰ܘܲܓ̰ܬܵܐ
  • ܫܩܲܠ ـ ܝܵܗܒܼܱܵܐ 
  • ܚܒܼܵܛܬܵܐ ܫܵܘܬܵܦܵܝܬܵܐ
  • ܝܠܵܦܬܵܐ 
  • ܡܲܣܲܡܬܵܐ ܕܒܵܠܵܐ ܥܲܠ ܓܵܢܵܐ، ܘ،
  • ܡܕܲܒܪܵܢܘܼܬܵܐ ܕܓܵܢܵܐ 

ܐܵܦܸܢ ܕܦܵܠܵܚܹ̈ܐ ܕ NDIS ܒܸܕ ܛܵܠܒܝܼ ܡܵܘܕܥܵܢܘܵܬܹ̈ܐ ܒܘܼܬ ܫܲܦܠܘܼܬܵܘܟܼܘܿܢ ܩܲܕ݉ܡܵܝܬܵܐ، ܐܝܼܢܵܐ ܒܲܠܟܵܐ ܠܲܝܬ ܠܗ݉ܘܿܢ ܝܕܵܥܬܵܐ ܒܘܼܬ ܕܵܐܟܼܝܼ ܝܠܵܗܿ ܡܲܥܒܕܵܢܘܼܬܵܐ ܕܫܲܦܠܘܼܬܵܐ ܢܲܦ̮ܫܵܝܬܵܐ ܫܵܘܬܵܦܵܝܬܵܐ ܥܲܠ ܫܲܦܠܘܼܝܵܬܹ̈ܐ ܐ݉ܚܹܪ݉ܢܹ̈ܐ ܝܲܢ ܡܲܥܒܕܵܢܘܼܬܵܐ ܕܐܝܼܬܠܗ݉ܘܿܢ ܬܸܖ̈ܘܲܝܗܝ ܥܲܠ ܚܲܝܘܼܬܵܘܟܼܘܿܢ ܝܵܘܡܵܐ ܒܝܵܘܡܵܐ. 

ܣܢܝܼܩܹ̈ܐ ܝܬܘܿܢ ܕܡܲܚܙܝܼܬܘܿܢ:

  1. ܕܵܐܟܼܝܼ ܟܹܐ ܫܵܩܠܝܼ ܘܝܵܗܒܼܝܼ ܫܲܦܠܘܼܬܵܘܟܼܘܿܢ ܩܲܕ݉ܡܵܝܬܵܐ ܘܫܲܦܠܘܼܬܵܘܟܼܘܿܢ ܢܲܦ̮ܫܵܝܬܵܐ ܫܵܘܬܵܦܵܝܬܵܐ
  2. ܡܲܥܒܕܵܢܘܼܬܵܐ ܕܐܝܼܬܠܵܗܿ ܟܠ ܚܕܵܐ ܡܸܢܲܝܗܝ ܥܲܠܵܘܟܼܘܿܢ، ܘ، 
  3. ܚܸܠܡܲܬܹ̈ܐ ܝܲܢ ܡܗܝܼܪܘܼܝܵܬܹ̈ܐ ܕܝܼܠܵܢܵܝܹ̈ܐ ܕܐܝܼܬ ܣܢܝܼܩܘܼܬܵܐ ܥܲܠܲܝܗܝ ܩܵܐ ܣܢܵܕܬܵܘܟܼܘܿܢ    

ܒܘܼܬ ܗܵܕܟܼܵܐ، ܣܢܝܼܩܹ̈ܐ ܝܬܘܿܢ ܕܡܲܩܪܸܒܼܝܼܬܘܿܢ ܣܵܗܕܘܼܬܵܐ ܕܫܲܦܠܘܼܬܵܘܟܼܘܿܢ ܩܲܕ݉ܡܵܝܬܵܐ. ܐܝܼܢܵܐ ܐܵܦ ܣܢܝܼܩܹ̈ܐ ܝܬܘܿܢ ܕ ܡܲܩܪܸܒܼܝܼܬܘܿܢ ܣܵܗܕܘܼܬܵܐ ܕܫܲܦܠܘܼܬܵܘܟܼܘܿܢ ܢܲܦ̮ܫܵܝܬܵܐ ܫܵܘܬܵܦܵܝܬܵܐ.  

ܐܵܣܘܼܖܹ̈ܐ ܡܵܪܹܐ ܦܵܝܕܵܐ

ܡܵܘܕܥܵܢܘܼܬܵܐ ܙܵܘܕܵܢܬܵܐ ܒܘܼܬ ܡܲܩܪܲܒܼܬܵܐ ܕܣܵܗܕܘܼܬܵܐ ܡܵܨܝܵܢܬܵܐ ܝܠܵܗܿ ܡܲܫܟ̰ܲܚܬܘܿܗܿ ܓܵܘ ܦܵܣܘܿܥܬܵܐ 1

ܩܵܐ ܡܵܘܕܥܵܢܘܼܬܵܐ ܙܵܘܕܵܢܬܵܐ ܒܘܼܬ ܡܲܥܒܕܵܢܘܼܬܵܐ ܘܝܲܕܲܥܬܵܐ ܕܫܵܘܝܘܼܬܵܐ ܕܣܢܵܕܬܵܐ، ܪܚܘܿܫܘܼܢ ܠܣܲܗ݉ܡܵܐ ܕܖ̈ܡܵܙܝܵܬܹܐ ܕ 

ܢܲܨܝܼܗܲܬܹ̈ܐ ܩܵܐ ܝܲܕܲܥܬܵܐ ܕܫܵܘܝܘܼܬܵܐ ܕܣܢܵܕܬܵܐ.

ܡܵܘܕܥܵܢܘܼܬܵܐ ܙܵܘܕܵܢܬܵܐ ܒܘܼܬ ܬܲܡܲܡܬܵܐ ܕܥܒܼܵܕܬܵܐ ܕܛܠܵܒܬܵܐ ܕܡܛܵܝܬܵܐ ܡܵܨܝܵܢܬܵܐ ܝܠܵܗܿ ܡܲܫܟ̰ܚܬܘܿܗܿ ܓܵܘ ܦܵܣܘܿܥܬܵܐ 3

ܡܵܘܕܥܵܢܘܼܬܵܐ ܙܵܘܕܵܢܬܵܐ ܒܘܼܬ ܓ̰ܲܡܲܥܬܵܐ ܕܣܵܗܕܘܼܬܵܐ ܩܵܐ ܚܲܕ ܒܥܵܬܵܐ ܡܵܨܝܵܢܬܵܐ ܝܠܵܗܿ ܡܲܫܟ̰ܚܬܘܿܗܿ ܓܵܘ ܦܵܣܘܿܥܬܵܐ 4

ܦ̮ܘܿܪܡ ܕܣܵܗܕܘܼܬܵܐ ܕ NDIS ܕܫܲܦܠܘܼܬܵܐ ܢܲܦ̮ܫܵܝܬܵܐ ܫܵܘܬܵܦܵܝܬܵܐ –

NDIS Evidence of Psychosocial Disability Form (PDF 196KB).

Healthy Mind – Easy read Mental Health tool.

ܠܗܲܝܘܼܪܹܐ ܒܣܢܵܕܬܵܐ ܕܛܠܵܒܬܵܘܟ݂ܘܿܢ ܩܵܐ NDIS، ܡܲܨܠܘܼܢ ܠܹܗ ܟܬܵܒ݂ܵܐ ܕܦܘܼܠܚܵܢܵܐ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ

ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ

ܡܣܘܼܟܡܵܐ ܡܫܲܘܬܦܵܐܝܼܬ ܥܲܡ ܐ݇ܢܵܫܹ̈ܐ ܕܐܝܼܬܠܗܘܿܢ ܡܲܪ̈ܥܹܐ ܕܗܵܘܢܵܐ ܘܫܲܒܟܲܝܗ̈ܝ ܕܣܢܵܕܬܵܐ.
  • ܡܘܼܘܸܠܵܐ ܒܝܲܕ

ܡܛܵܝܵܐ ܠ ndis ܒ 6 ܦܵܣܘܿܥܝܵܬܹ̈ܐ